by

MAE fó tomada de pose ba Olivio Freitas“Bou Lesa” hodi lidera povu Munisípiu Baucau


Minístru Admimistrasaun Estatál Miguél Pereira de Carvallho fó tomada de pose ba Prezidente Eleitu Munisípiu Baucau Olivio Freitas “Bou Lesa” hodi lidera administrasaun Munisípiu Baucau durante madatu tinan lima.

Ministru Adiministrasaun Estatál Miguél Pereira de Carvallho hateten konstituisaun RDTL determina estadu respeita iha organizasaun territoriál ho prinsipiu desentralizasaun administrasaun públika no iha lei fundamentál repúblika preve existensia poder lokál ne’ebé konstitui husi teritoriu estadus orgaun reprezentativu hodi organiza partisipasaun sidadaun no solusiona sidadaun sira nia problema no promove dezenvolviemtnu lokál sem prezuiju partisipasaun estadu nian.

Miguél afirma governu hala’o reforma administrasaun lokál ho intensaun estadu atu introduz estratejia tranjizaun graduál servisu administrasaun munisipál ba iha esfera poder lokál liu husi faze fundamentál tolu ne’ebé mak autóridade sei tranzite ba sera administrasaun autónoma ne’ebé depedente ba orgaun reprejentativu poder lokál sira.

“liu husi faze fundamentál tolu hanesan faze deskonsentralizasaun administrativa, desentralizasaun administrativa institusionál no faze desentralizasaun admnistrativa territoriál ne’ebé iha faze ida ne’e autóridade munisipál baucau sei tranjita ba sera administrativa autónoma depedente ba orgauns reprejentativus orgaun poder lokál sira,infilxmente implementasaun estratejia desentralizasaun nia iha hela faze ida primeiru deskonsentrasaun admninistrativa ne’ebé define admnistrasaun munisipais no autóridade munisipais hanesan servisu administrasaun lokál estadu ho fusaun hodi asegura realizasoens funsaun administrative estadu nia iha nivél munisípiu hotu no mos iha nivél postu administrativu hotu”dehan Miguel iha nia diskurus wainhira reamta tamada de pose ba prezidente eleitu Olivio“Bou Lesa ”Freitas iha Salaun Centru Convensoens baucau tersa feira(12/01/21).

Governante ne’e hatutan ,Prezidente Autóridade Munisipiu sira mak reprezenta governu sentrál hodi dirije administrasaun municipal hodi asegura normál funsionamentu adminisstrasaun lokál estadu iha munisípiu no responde aktividade hotu ba iha governu sentrál liu husi mebru governu ne’ebé mak resposabél ba asuntu administrasaun estatál nian.

“hanesan reprezentante governu iha nivel munisipiu prezidente autoridade munisipiu baucau dirije no ezerse kompetensia ne’ebe governu deskonsentra ona ba iha munisipiu nomeadamente kompetensia dominia edukasaun, saude, seguransa alimentar,obras publika trasporte agus saneamentu no ambiente,agrikultura gestaun merkadu no turizmu,asaun social gestaun risku dezastre naturais,protesaun sivil rejistu notariadu,I servisu kadastrais no apoi ba organizsaun non gevermentais no organizsaun komunitaria sira”Miguel hatutan.

Husi sorin seluk Prezidente Autóriedade Munisipiu Baucau Eleito olivio Freitas “Bou lesa” hateten atu lori dezenvolvimentu Baucau ba oin presiza kolaborasaun no kopersaun ho instituisaun hotu- hotu no paseiru sira hodi atinje vizaun ida.

“baucau nu’udar baucau konesidu no sustetavel mak ho dedikasaun autoriedade ho ekipa tomak sei dezenvolve ho koperasaun pozisaun administrativa ho kualidade no baucau atu ba oin presiza tebes pomove kolaborasaun no koperasaun ho parseiru sira hotu atu atinje vijaun ida baucau konesidu sustentavel mak ejize ba povu baucau”dehan Olivio iha nia diskurusu.

Partisipa iha tomada de pose ba prezidente autóridade eleitu tuir observasaun jornalista radio comunidade iha terenu nota katak partisipante sira kumpri regulamentu estadu emerjensia hanesan distansiamentu sociál uza maskra hodi halo prevensaun covid-19.

Jornalista : Abrão Freitas

Editor: Agus Guterres

Comment