by

Mane ida tinan 34 tara an iha Suku Alawa Leten Postu Baguia


Jacinto Barros Saramentu tinan tolu nolu resin hat tara an iha aldeia Seli bere Suku Alawa Leten Postu Administrativu Baguia Munisipiu Baucau iha sabadu kalan foin lalais ne’e.

Tuir Komando PNTL Munisípiu Baucau Superitnendente Xefe Armando Monteiro haktuir,mótivu husi kazu susediu ne’e akontese tamba matebian nia inan husik hela nia iha tinan hat liu ba hodi halo vitima hetan presaun no depresi makas halo vitima sempre tenta tara an maibé sempre hetan salva husi vizinus sira ,maibé iha loron sesta feira tuku sia liu minutu tolu nolu dadersan matebian jacinto barros saramento sai husi nia rejidensia la dehan objektivu klaru ba familia sira to’o horseik dadersan komunidade no familia sira hetan fali matebian tara an iha aidak hun ida iha to’os laran ho distansia metru atus tolu husi nia rejidensia.

“ho kronolojia ita nia juventude tara an ida ne’e iha tinan hat liu ba hafoin ninia inan rasik mota lori nia iha depresaun bo’ot ida nia tenta tara an depois iha momentu ne’eba komunidade mak tenta salva nia depois evakua ba klinika hodi rekupera fila fali no husi momentu ne’eba mai nia tenta bei-beik tara an maibé familia no komunidade akompana nafatin to’o hodi bairua iha loron sesta dader san iha tuku sia liu minutu tolu nolu nia sai husi uma ho objektivu la klaru depois horseik iha tuku sia liu minute tolu nolu familia no komunidade sira hetan nia tara an iha ai dak hun ida iha to’os laran”dehan Armando ba jornalista RCLM Segunda feira(11/01) kanar fatin edifisiu PNTL Munisipiu Baucau.

Nia afirma,hafoin akontsementu Polísia Eskuadra Postu Adminístrativu Baguia to’o kedas iha fatin akontesiementu hodi asegura mate isin no parte polisia halo ona konvensi ho familia hodi prosesa ba investigasaun maibé família matebian rejeita tambá konsidera kazu ne’e la’os indisiu ba krime ruma tamabá ne’e família matebian foti mate isin hodi hala’o prosesu funebre tuir kultura matebin nian.

“hafoin ita nia komunidade no familia hetan tiha ita nia polisia investigasaun kriminal postu baguia to’o kedas iha fatin lokal akotesimentu no tenta konvense familia hodi nune’e prosesu tuir prosedura investigasaun maibe familia hatene ida ne’e katak la’os foin tara an dala ida maibe bei-beik entaun familia hakarak foti matebian nia isin hodi hala’o funebre tuir kultura matebian nian”

Akotesementu kazu taran an ne’e foin primeiru vez PNTL regista iha munisipiu baucau iha fulan janeiru tinan rihun rua rua nolu resin ida.

Jornalista: Abrao Freitas

Editor : Agus Guterres

Comment