by

Reklamante Agregadu Familia 643 Sei Simu Subsidiu 200 iha Semana ne’e.


Reklamantes ne’ebé atu simu subsidiu agregadu familia hamutuk (643) atus ne’en hat nolu resin tolu hetan ona aprovasaun hosi Ministériu Solidadridade Sosial no inkluzaun no halo ona lansamentu tuir kalendáriu sei halo pagamentu iha loron (08/01/21) ualu fulan janeiru tinan ne’e.

Lia hirak ne’e hato’o hosi diretur sentru solidaridade sosial no inkluzaun munisípiu baucau Guido Ricardo Belo ba jornalista RCLM-Baucau kuarta feira ne’e hateten, total reklamantes hamutuk (643) atus ne’en hat nolu resin tolu ne’e mai hosi postu adminitrativu ne’en iha munisípiu baucau mak hanesan Venilale reklamates hamutuk (167) atus ida ne’en nolu resin hitu,laga reklamantes (16) sanolu resin ne’en, Baucau Vila reklamantes hamutuk (260) atus rua ne’en nolu,quelikai reklamates hamutuk (160) atus ida ne’en nolu,baguia reklamates hamutuk (28) Rua nolu resin ualu no Vemase reklamantes hamutuk (2) rua.

Nia afirma tuir kalendáriu pagamentu ba reklamantes agregadu familia sei hahu iha loron (8/01/21) Ualu fulan janeiru tinan rihun rua rua nolu resin ida.

“Munisipiu baucau reklamantes ne’ebe ke aprovadu por volta de seis sentus kuarenta e tres pessoas, husi seis sentus kuarenta tres ne’e postu ida-idak ho numerous ne’ebé mak la hanesan tuir rklamsaun ne’ebé sira apresenta venilale por volta de sentu seis senta e sete reklamantes no mos laga deza seis reklamantes no total postu baucau villa ducentus seis senta reklamantes pois Quelekai sentu seis senta,baguia vinte oitu reklamntes no mos vemasse nain rua ne’ebé por volta de seis sentu kuarenta e tres reklamantes no tuir kalendariu de pagamentu horseik halo ona lansamentu ofisial sei hahu iha loron walu fulan janeiru tina rihun rua rua nlu resin ida”Dehan diretur sentru solidaridade sosial no inkluzaun munisípiu baucau Guido Ricardo Belo ba jornalista RCLM-Baucau (kuarta,06/01/21) iha nia servisu fatin.

Nia hatutan dadaun ne’e hosi Centru MSSI Baucau halo ona kontaktu ho autoridade sira hodi halo levantamentu osan no halo transferensia lalais ba konta bankaria suku hodi halo pagamentu,aleinde ne’e Centru MSSI distribui ona dadus reklamantes sira ba kada suku no hein halo pagamentu.

“Hau mos halo tiha ona kontaktu ho autoridade atu oinsa para lenvantamentu osan ne’e bele halo ohin no aban depende transferensia osan ne’e iha konta bankaria suku hau espera katak sira bele halo ona pagamentu”.Nia haktuir

Entertantu Xefe Suku Tirilolo Ricardo Ernesto Belo hateten, dadus reklamantes hosi suku tirilolo hamutuk (148) Atus ida hat nolu resin ualu maibé MSSI aprova deit dadus reklamantes ba suku tirilolo hamutuk (140) atus ida hat nolu, enkuantu ba reklamantes agregadu familia uma kain ualu mak naran la sai iha lista pagamentu, nu’udar autoridade lokal sei hein pagamentu hahu sei hato’o ba ekipa pagamentu ne’ebé sei hahu halo pagamentu iha loron (8) ualu hodi hato’o reklamantes sira ne’ebé naran la sai.

“dadus reklamasaun kona-ba gregadu familia nan ne’e ita suku tirilolo hau foin lalais reklama sentu kuarenta e oitu maibe sentu kuarenta oitu ne’e husi ministeriu aprova deit sentu kuarenta mak agora dadauk tama iha suku nia liman ne’ebe aprovadu jadi xefe familia walu mak seidauk hetan”.Dehan Xefe Suku Tirilolo Ricardo Ernesto Belo.

Autoridade lokal no MSSI husu ba reklamates sira ne’ebé atu simu Subsidiu Agregadu familia atu nafatin kompri Protokolu hosi Ministériu saúde no organizasaun saúde Mundiál mak hanesan uza maskra,faseliman ho sabaun no halo distansiamentu sosial hodi prevene moras covid-19.

Jornalista : AG

Editor : Agus Guterres

Comment