by

Direktur SSSMB husu Benifisiariu Salariu ne’ebé Liu Dolares Amerikanu 500 ho Konsiénsia Devolve Osan ba Kofre Estadu

Direktur Sentru Solidariedade Sociál Munisípiu Baucau Guido Ricardo belo informa ba benifisiariu sira ne’ebé ho salariu liu dolar amerikanu atus lima(500) ho konsiensia rasik hado’ok an husi osan agregadu familia dolares amerikanu atus rua(200) no fó oportunidade ba agregadu família sira ne’ebé ho salariu atus lima mai kraik.

“importante ba kolega sira ne’ebé osan salariu liu dolar atus lima hado’ok an liu husi konsiénsia rasik tambá osan atus rua la’os merese ba ita maibé iha orientasaun ne’ebé mak iha tenke kumpri no sira ne’ebé iha direitu tomak atu simu mak sira ne’ebé salariu dolar atus lima mai krai”dehan Guido ba jornalista RCLM iha nia kanar fatin quarta feira(06/01/2021).

Nia hatutan,benifisiariu agregadu família ba etapa dahuluk ne’ebé ho salariu liu dolares amerikanu atus lima ba leten balun devolve ona liu husi banku tambá ministériu solidariedade sociál halo ona akordu ida ho banku liu husi mekanizmu konta bankaria hodi fila ba kofre estadu.

“iha balun ne’ebé aprejenta fila fali iha mekanizmu sira ba iha banku tamba MSS ho banku iha ona akordu oinsa para responde ba fusionariu ruma ne’ebe mak salariu liu dolares amerikandu atus lima ba leten mak simu ona subsidiu atus rua no iha ema na’in ida ka rua ne’ebé devolve ona osan liu husi mekanizmu konta banku nian hodi nune’e fila fali ba kofre estadu maibé la’os mai devolve iha sentru solidariedade”

Nia dehan tan, ba benifisiariu sira ne’ebé salariu liu dolares atus lima mak seidauk devolve osan iha orientasaun no politika husi comisaun anti korupsaun(CAC) sei fo orientasaun tuir konsiensia ema ida idak nian atu bele kumprimenta ba prosesu legál.

“orientasaun tuir politika ne’ebe mak iha liu husi instituisaun ne’ebe responsbiliza hanesan CAC tamba ne’e atu fo fila la fo fila fia ba konsiensia ema ida-idak nian atu kumprimenta ba iha prosesu legal nia karik la fo fila osan abana banirua cac bolu ida-idak sei resposabilidade ba nia an tamba hatene katak nia iha salariu liu dolares atus lima liu maibe kontinua simu subsidiu no iha ona orientasaun, se nia simu nafatin ne’e reponsabilidade ida-idak nian tuir prosesu legal tuir instituisaun ne’ebe responsabilidade ba asuntu refere”

Enkuantu ba pagamentu reklamente agregadu familia iha munisipiu baucau kompostu husi postu administrative ne’en(6) hamutuk atus ne’en hat nolu resin tolu(643), no tuir orariu sei halo pagamentu iha loron Ualu(8) fulan ida ne’e.

Jornalista Abrão Freitas

Editor :Agus Guterres

Comment