by

PDHJ Delegasaun Territórial Baucau Selebra Loron Mundiál Internasional Direitus Umanus ba dala 72


Provedoria direitus humanus no justisa delegasaun territórial baucau selebra loron mundiál internasionál direitus umanus ba dala hitu nulu resin rua ho tema “Halakon Diskriminasaun Iha Forma Oi-Oin , Luta Hasoru Desigualidade No Enkoraja Partsipasaun No Solidariedade” objetivu oinsá atu instituisaun ida-idak hala’o nia papel hodi halo prevensaun no proteksaun ba grupu alvu sira ne’ebé mak afeita ba surtu covid-19.

Lia hirak ne’e husi Provedora Direitus Umanus no Justisa Nasionál Jesuina Maria Ferreira Gomes kinta feira ne’e,iha nia diskursu ba selebrasaun loron internasionál direitus umanus no justisa iha salaun PDHJ territoriál baucau hateten,loron sanulu fulan dezembru tinan rihun ida atus sia hat nulu resin walu sai loron asembleia jeral ONU hodi halo adota deklarasaun ba direitus umanus.

Nia afirma liu husi deklarasun ne’e oinsá atu garante direitus umanus ba sidadaun hotu hodi bele dezenvolve nia an liu husi aktividade ne’ebé mak iha .

Iha loron 10 Dezembru 1948 tina hitu nulu resin rua liu ba Assembleia Jeral Nacões Unidas adota deklarasaun universal direitus umanus nu’udar dokumentus xave ka padraun ONU realizasaun direitus umanus ba ema hotu-hotu iha nasaun hotu,deklarasaun universal no direitus umanus iha tempu karik ita sigla dehan DUDU, ka deklarasaun universal direitus” Dehan Provedora Direitus Humanus No Justisa Nasional Jesuina Maria Ferreira Gomes ba jornalista RCLM baucau (Kinta,10/12/2020) iha salaun PDHJ territoriál baucau.

Nia hatutan konstituisaun RDTL artigu neen (6) ko’alia kona-ba oinsá estadu garante sidadaun sira nia moris,enkuantu sidadaun sira mos oinsá atu respeita ba prinsipiu estadu nian ne’ebé mak vigora ona liu-liu oinsá atu hatene klean liu kona-ba estadu demokrátiku.

Konstituisaun RDTL artigu 6 hatur objetivu estadu atu garante no promove sidadaun sira nia direitu no liberdade fundamentais no respeita ba estadu ho nia prinsipiu kona-ba estadu demokratiku,iha KRDTL artigu 23 mos garante direitu fundamental ne’ebe konsagra lei inan iha konstituisaun tenki interpreta tuir deklarasaun universal direitus umanus ne’ebe ita boot sira atu hare’e konstituisaun karik komesa husi artigu 16-61 ne’e koalia kona-ba direitus liberdades no garantias fundamentais sidadaun timor sira nia” Haktuir Jesuina Maria Ferreira Gomes.

Aleinde ne’e Presidenti Autóridade Munisípu Baucau António Augostu Guterres hateten,agradese ba selebrasaun loron internasionál direitus umanus tamba liu husi loron ne’e bele partilla imformasaun ba malu no oinsá proteje sidadaun sira nia direitu.

“Ho tempu ne’ebe diak ita sei hasoru malu hodi festeza loron komemorasaun direitus umanus internasional nian ne’ebe monu ba loron 10/12/2020 ita ohin rona lian barak husi diutora jesuina koalia kona-ba direitus umanus liga ba aspetus hotu-hotu direitus ekonomiku,social,politika no sira seluk ne’ebe ema moris mai iha kedas nia direitu ne’e ,nia moris nia hakarak goza buat ruma iha nia moris ne’e”Dehan PAM Antonio Augostu Guterres.

Partisipantes ne’ebé partisipa iha loron selebrasaun internasionál direitus umanus ne’e mai husi representante komandante PNTL baucau,representantte komandante FFDTL lanud baucau,sosiedade sivil ,diretores linas ministériais iha munisípiu baucau inklui representante estudante husi eskola jeral 01 Baucau no professors sira.

Jornalista : Agus Guterres

Editor : Calistro Pereira

Comment