by

Moras Kankru Susun no Serviks bele hamate Feto Barak Iha Timor Leste wainhira tarde halo Tratamentu Saúde


Espoza Prezidente Repúlika Timor-Leste Cidalia Lopes Nobre Mouzinho Guterres hala’o sosializasaun kona-ba promove moris saúdavel ba inan feton sira hotu iha munisipiu baucau ,iha salaun apuramentu hateten kanru susun no kankru serviks hamate ona inan feton barak iha Timor-Leste tamba tarde halo tratamentu saúde ikus mai halo inan feton sira teki lakon sira nia vida.

Nia esplika atu prevene moras kankru susun no kankru serviks inan feto sira persiza tebes asesu ba informasaun nune’e bele prevene an hosi moras hirak ne’e tamba dadaun ne’e inan feton sira ne’ebé hetan moras kankru susun no serviks mate ho númeru ne’ebé as iha Timor-Leste.

Kankru susun tuir dadus ne’ebé mak hau simu nia numeru halo aas tebes hodi halo mate inan feton tuir dadus ne’ebé mak hau simu husi doutor Lito no mos husi mediku sira iha HNGV maioria inan feton sira ne’ebé mate ne’e tamba moras ne’e todan tiha ona mak lori ba hospital laos foin hahu mak ba hospital ”Dehan Espoza Prezidente Repulika Timor Leste Cidalia Lopes Nobre Mouzinho Guterres ba jornalista sira iha salaun apuramentu ,(Kinta,17/12/20).

Nia hatutan sosializasaun ne’e importnate tamba bele fó atensaun ba inan aman sira atu iha koñesementu ba informasaun nune’e ba future bele hatene oinsá halo prevensaun sedu duke kurativu tamba moras refere bele hetan kura.
Espoza Prezidente Repúblika ne’e husu ba familia liu-liu laen sira iha obrigasaun atu akompania nia parseiru no fó apoiu wainhira hetan moras kankru.

Moras kankru ne’e bele kura liu husi tenki halo sosializasaun maka’as para atu fahe imformasaun ba komunidade sira lliu-liu inan feton sira no ba joven sira atu hatene diak liu hodi fahe tutan imformasaun ba ita nia inan sira no mos ba familia sira ne’ebe mak presiza tebes ” Haktuir nia.

Entertantu Prezidente Autoridade Munisipiu Baucau António Augustu Guterres hateten haksolok tebes hodi simu espoza Prezidente Republika Timor-Leste tamba bele iha fuan boot hodi vizita munisipiu Baucau hodi enkoraja joven feto no inan feton sira, fahe informasaun ligadu ho moras kankru susun no kankru serviks nian liu hosi sosializasaun ho tópiku promove moris saúdavel ba inan feton sira.

Ho nain presidente republika nian no mos espoza presidente republika nian atu bele enkoraza ina feton sira oinsa mak bele hadook an husi tentasaun at sira ne’ebe mak mai hanesan ema ne’ebe hafutar iha ita nia futar oin promove moris ba saudavel liu husi livre husi moras kankru no badinas hodi rona imformasaun sira ne’ebe mak iha” Dehan Presdente Autoridade Mubisipiu Baucau wainhira partisipa sosializasaun kona-ba promove moris saudavel ba inan feton sira.

Espoza ne’e mos enkoraza nafatin joven feto no inan feton sira atu nafatin buka informasaun kona-ba moras refere nune’e bele halo prevensaun sedu ba sira nia an.

Jornalista :Agus Guterres

Editor: Agus Guterres

Comment