by

TDB Apilika Aprejentasaun Periodiku Ba Arguido G Nebe Sunu Programa Sesta Bazika Iha Lakluta


Liu husi audensia julgamentu Tribunal Distrital Baucau tersa feira semana nee , aplika medida kuasaun aprejentasaun perioduku ba arguidu G tamba involve kazu sunu Programa Sesta Bazika iha loron rua nolu resin sia fulan novembru tinan nee iha suco Ahi Postu Administrative Lakluta Municipio Viqueque
Defensor Publiku Muicipio Baucau Jose Maria Da Costa Guteres ba Jornalista Radio Comunidade Lian Matebean Baucau tersa feira nee hateten Tribunal Distrital Baucau aplika medidakuasaun aprejentasaun periodiku ba arguido tamba tribunal rona deklarasaun husi arguidu ho promosaun husi Ministerio Publiku nian no rona mos defeza nia alegasaun ikus tribunal aplika medidakuasaun aprejentasaun periodiku ba arguido kada fulan aprejeta an dala ida iha policia eskuadra nebe mak besik
Defensor ne’e afirma iha julgamentu ne’e, Ministerio Publiku alega arguidu ho danu agravadu nebe previstu ho artigu atus rua sia nolu resin lima kodigu penal timor leste
” kazu ne’e akontese ba arguidu G tamba nia inbolve sunu sasan estadu nian hanesan programa sexta baziku hanesan mina bimoli sira no sasan seluk ne’ebe mak nesesidade ba povo ne’ebe mak nia sunu hodi nune’e ministerio publiku alega nia danu agravadu ida no arguidu kontra artigu 295 kodigu penal Timor Leste “.
Nia hatutan julgamentu nee arguidu konfesa faktus hotu tamba nia lakonkorda ho sasan nia folin mak arguidu nervozu halo asaun susu sasan hirak nee maibe nia parte arepende .
Iha julgamentu primeiro interogatoriu nee preside husi Juis Jose Eskoreal no husi Ministeriu Publiku Julio Corea no arguido hetan defeza husi Defensor Publiku Jose Maria Da Costa Guterres .

Jornalista /editor : Feliciano venancio Belo

Comment