by

Felisberto Freitas Tinan 36 Hetan Asidente ho Motor Mate Fatin

Filisberto Freitas Tinan tolu nolu resin ne’en(36) hetan asindente trafiku soke rasik ho motor Beat street sapa matrikula M.1013 TLS iha suku buruma hafoin fila hosi Loboruwai area suku seical rezulta vitima mate fatin.

Kestaun hato’o hosi Komadante PNTL Munisipiu Baucau, Supereintendente Xefe Armando monteiru ba jornalista sira iha nia servisu fatin kuarta fera ne’e hateten ,motivu akontesementu ne’e wainhira matebian ho nia kolega sira ba soke boek no ikan iha Loburuwai suku seical nian,hafoin matebian fila hosi Loburuwai ho kondisaun lanu todan tamba antes ne’e vitima hemu alkoliku, no wainhira fila husi Loboruwai halai ho motor velosidade makas ikus mai la kontrolu motor soke tama baleta kuak no mate fatin, iha area suku buruma nian.

hodi kalan iha tuku sanulu resin ida liu minute tolu nulu mosu asidente tungal ida ne’ebe mak rezulta ita nia komunidade ida ho identidade FF hela fatin Bahu Uailia baucau vila servisu hanesan funsionariu seguransa sivil servisu edukasaun munisipal baucau,motive husi asidente ida ne’e antes matebean ho kolega ba buka boek no ikan iha area seisal nian hafoin fila husi ne’eba antes ne’e kala kolega sira kosumu alkoliku wainhira fila fali mai ho kondisaun domisaun alkoliku ho ida ne’e la kontrola motorizada asidente iha area buruma”dehan Komadante Armando

Komadante hatutan,iha akontesementu ne’e vitima soke tama valeta kuak ho nia naruk metro tolu , ne’ebe dadaun ne’e kompania internasionál konstrui hela Estrada iha area refere, hafoin soke, iha minutu balun polisia to’o kedas iha fatin akontesementu no evakua kedas vítima ba hospitál regionál Eduardu Ximenes Baucau maibé la konsege salva tambá vitima hetan soke ho pankada maka’as iha parte ulun nakfera

husi asidente ne’e vitima monu tama valeta ne’ebe kompaña internasional sira foin halo konstrusaun,iha asidente ne’e ita nia administrador postu baucuu vila mak hare’e no komunika kedas polisia transzitu halo kedas atendementu evakua kedas vitima ba asistensia saude horex baucau maibe la bele salva nia vida,enkuantu iha kalan ne’e kedas familia ho polisia akompana ho ambulansia matebean familia nia uma tamba familia konsidera kazu ida ne’e asidente ida tungal no sira lakohi halo autopsia maibe hanesan polisia ita nafatin registu hodi kanaliza ba ministériu públiku tamba ministeriu públiku mak nain ba prosesu tomak”

Husi asidente ne’e parte Polisia husu atu halo autopsia ba mate isin, maibé parte familia konsidera kazu refere hanesan asidente bai-bain. Dadaun ne’e mate isin entrega ona ba familia matebian hodi halo funebre ikus. (adg)

Jornalista :Abrão Freitas

Editór : Agus Guterres

Comment