by

Kombustivel ba Ambulancia La iha Familia Lori Pasiente Tula ho Kareta Privadu


Familia pasiente Alarina de Jejus ba jornalista radio comunidade lian matebean Baucau tersa feira ne’e hateten senti trisrte tebes tamba kombustivel ba Ambulancia la iha, sira foti desizaun hodi tula pasiente ba kareta privadu husi Lospalos mai iha Hospital Regional Eduardu Ximenes Baucau .
Nia afirma depois sira lori pasiente mai iha Hospital Regional Eduardu Ximenes Baucau hodi halo tratamentu maibe faselidade balun lakompleitu obrigadu tenki kontinua tranferencia ba Hospital Nasional Guidu Valedares Dili maibe mina ba ambulancia la iha tan .
” ami senti triste los tamba ami lori moras mai iha Hospital Lospalos sira dehan mina ba Ambulancia la iha tamba nee ami foti desizaun tula apa ne’ebe moras ba iha kareta privadu hodi lori mai iha Hospital Baucau maibe doutor espesialista sira dehan presiza tenki rujukan ba dili tamba moras todan maibe atu lori ba sira dehan mina la iha tan maibe tuir informasaun nebe mak ami rona ohin atu lori ona ba Dili”.
Responsavel sala emergencia Horex Baucau Umbelinha de Almeida hateten dadaun nee pasiente nain rua mak iha sala emergensia atu transferencia ba dili maibe mina kombustivel la iha pasiente nain rua nafatin iha sala emergencia, maibe sira parte sei buka meus ida atu kolia ho parte loguistiku atu transfere pasiente ba dili iha tersa feira semana ne’e.
” oras ne’e dau-daun ami infreenta mak mina kombustivel ba Ambulancia la iha durante loron rua ona tamba ne’e pasiente nain 2 mak iha ne’e hela mais orsida ami sei kolia ho dirasaun sira buka meus oinsa atu desloka ba Dili tamba sira mos tenki atendementu ho ekipamentus ne’ebe mak kompleitu tamba ne’e mak doutor sira deside atu rujukan ba dili tamba pasiente nain rua moras koma hela”.
Entertantu Xefi Departementu Kuality Kontrol e Komunikasaun Social Hospital Regional Baucau Claudino Xiemens rekonese problema ho mina kombustivel durante loron tolu maibe sira buka meus hodi tenta ba ministerio saude iha tersa feira semana nee haruka ona mina kombustivel mai ona maibe ho kuntidade nebe la hanesan bai-bain.
“Klaru que durante loron rua ou tolu liu ba ami problema ho mina hotu mais kuandu mina mak menus ona ami sempre halo pedidu ba nasional maibe ba tinan ne’e mina sempre mai tarde.Tamba ne’e durante loron tolu ami mina la iha tia.ami mina rezerva iha mais ba zenerator deit, hodi nune’e horseik ami ho konselho dirasaun administrativo ho cefi departementu sira halo enkontru hodi tenta nain ulun sira ne’ebe rezolve duni ohin dader mina mai kedas ona maibe nia kunatidade la hanesan bai-bain”.
Enkuantu pasiente nain rua ne’e tersa feira semana ne’e sei halo transferencia ba Hospital Nasional Guidu Valedares Dili hodi halo kuidadu intensive.

Jornalista / editor : Feliciano Venancio Belo

Comment