by

Banku Mandiri Halo Sosializasaun kona ba Produtu Kreditu La Ho Garantia ba Funsionario sira iha Baucau


Banku Mandiri Timor Leste servisu hamutuk ho Autoridade Municipio Baucau hahu ona halo sosializasaun kona ba produtu kreditu la ho garantia ba funsionario publiku permanente sira iha Municipio Baucau, nebe realiza iha salaun apuramentu Muncipio Baucau sesta feira ne’e.


Sels Oficer Banku Mandiri Timor Leste Aires Ronald de Jesus ba jornalista radio comunidade lian matebean baucau hateten objetivo husi sosializasaun ne’e atu fahe informasaun kona ba banku mandiri nia produtu liu-liu kreditu la oh garantia ba funsionario permanente hotu-hotu oinsa sira bele hatene halo kreditu iha banku Mandiri Timor Leste.


Nia hatutan banco Mandiri halo ona koperasaun ho banku sira seluk nebe destaku iha municipio sira hodi bele kliente sira bele dada osan, liu husi mandiri nia kartaun B24 ga pagamentu oras rua nolu resin hat nia laran.


” ami iha ona solusaun ida liu husi banku Mandiri nia kartaun B24 singkatan husi pagamentu vinte quatru oras ida ne’e banco sentral nia programa hodi halo koperasaun ho banco seluk hodi bele kliente sira bele dada osan iha banku seluk hanesan BNU”.


Iha sorin seluk Prezidente Autoridade Municipio Baucau Antonio Augustu Guteres hateten agradese ba responsavel banku Mandiri nian nebe servisu hamutuk ona ho autoridade municipio hodi divulga informasaun ba kliente sira nebe mak hakarak atu halo kreditu osan iha Banku Mandiri.


“Hau husu obrigadu barak ba responsavel banku Mandiri nian ne’ebe halo ona koperasaun ho autoridade municipio hodi ne’ebe fahe informasaun ba ita hotu ne’ebe ohin partisipa iha sosializasaun ne’e oinsa atu faselita ita no gia ita atu kriditu ruma husi banku Mandiri”.


Entertantu Kliente Banku Mandiri Fransisco da Costa Castro husi Dirasau Agua e Saniamentu Municipio Baucau hateten sosializasaun nee importante tebes tamba bele loke dalan ona atu kliente sira fasil halo kreditu iha banku mandiri.
” Hau hare sira nia sosializasaun ohin ne’e inportante tebes ba ami hodi ami bele kreditu mos diak no dipozito hela ba labarik sira mos diak “.


Depois de sosializasaun funsionario publiku sira komesa hahu priense ona formulario banku mandiri hodi sai kliente.

Jornalista : Feliciano Venancio Belo

Comment