by

Ema Nain Ida Mate Iha Asidente Trafik Bus Baku Fila Iha Suco Gariwai

Asidente trafiku kareta Bus Afaloicai ho numerio policia 36-122 nebe baku fila iha area suco gariwai postu administrativo Baucau Vila nebe rjulta nain ida mate no nain ida kanek todan inklui nain rua nolu resin rua hetan kanek Kaman.

Segundu Komadante Policia Municipio Baucau Superintendente Asistente Policia Jose Casmeiro De Carbalho ba jornalista radio comunidade lian matebean baucau quarta feira nee hateten mais oumenus tuku sia kalan akontese asidente trafiku bus afaloicai dirasaun watulari dili baku fila iha area gariwai postu baucau vila rejulta Lucilda Soares tinan lima nolu resin mate fatin tamba kareta refere hanehan.

Segundu komadante afirma motivo asidente nee mosu tamba kondutor halai ho velusidade makaas hodi labele kontrola kareta rejulta asidente.depois de akontesementu policia seksaun tranzitu municipio baucau too kedas iha lokal do asidente hodi evakua kedas vitima sira ba Hospital Regional Eduardo Ximenes Baucau hodi kuidadu intensivo.

” Depois de asidente ne’e ita nia seksaun policia rezerva no seksaun tranzitu to’o kedas iha lokal do asidente hodi halo kedas atendementu no asistensia ba vitima sira ne’ebe mak hetan dezastre ne’e inklui mos ida nebe mak mate evakua kedas ba Hospital regional Baucau hodi kuidadu intensivu.enkuantu asidente ne’e ita hare katak sei iha prosesu investigassun nia laran maibe ita indika katak falta kontrulu husi motorista tamba ita nia estrada iha faze konstrusaun nia laran.”

Cefi Departementu Sala Emergencia Umbelina De Almeida hateten relasiona ho asidente nebe akontese iha suco gariwai nebe tama iha Hospital ho kondisaun nebe kanek kaman maibe profisional saude sira halo kedas atendementu tratamentu ba vitima sira.enkuantu nain ida seluk labele halo tratamentu ba nia tamba mate fatin.

” Asidente nebe akontese iha Gariwai rejulta feto ida mate fatin nain sia seluk mak lori mai iha hospital maibe ho kondisaun kanek kaman depois de profisional saude sira halo tia tratamentu saude fo’ kedas alta ba pasiente sira”.

Entertantu Kondutor nebe kondus kareta ho inisial JJC idade tinan rua nolu nebe oras nee daudaun asegura hela iha sela komando PNTL municipio baucau hodi prosesu investigasaun enkauntu kareta sei iha fatin akontesementu.

Jornalista / Editor : Frliciano Venancio Belo

Comment