by

Militar Indonesia Oho Joven Ida Hakoi iha Semiterio Tirilolo Baucau,Familia Ida Seidauk Tau Aifunan no Lilin


Tuir sasin Erminha Dos Santos hateten militar Indonesia kaer joven ida iha lanud Baucau nebe lori ba oho iha masin Laga too tia semana ida mak militar sira lori fali mai hakohi iha simiterio Tirilolo Baucau .
“Tuir informasaun ne’ebe ami rona, ema nee dehan husi parte Viqueque nian ne’ebe militar Indonesia kaer iha lanud lori ba oho iha masin laga depois liu tia semana ida mak policia sira ba buka lori fali mai iha hospital tuan mak infermeiro ida fo hena ida hodi falun nia mak padre trans mak akompanha hodi mai hakohi iha fatin nee maibe ho kondisaun iss ona.”Dehan sasin Erminha Do Santos ba jornalista radio comunidade lian matebean baucau quinta feira ne’e iha semiterio Tirulolo Baucau .
Sasin ne’e hatutan joven ne’e oho iha tinan rihun ida atus sia sia nolu resia ne’ebe militar Indonesia oho hakohi iha simeterio nee, maibe to’o ohin loron familia ida seidauk mai tau ai-funan ga lilin iha matebian nia rate.
” Akontesementu ne’e tuir hau nia hatene joven ne’e oho pas Indonesia sira komesa retira ona no kaer ema arbiru tidak salah iha tinan 1999 maibe to’o agora nia familia ida mos la mai tau ai-funan ida ga sunu lilin oan ida iha nia rate”.
Iha tempu hanesan mate restu 12 Novembru Alvino Sakoko hateten relasiona ho selebrasaun loron 12 Novembru kare aifunan iha semiterio Tirilolo mak hetan informasaun husi sasin katak joven ida militar indonesia oho mai hakohi iha semiterio ne’e maibe seidauk hatene mate tamba saida.
“Ohin selebra loron 12 Novembru masakre santa kruz ba dala 29 mak hau hetan informasaun sobre joven oan ne’ebe militar indonesia oho maibe ita seidauk hatene mate iha sa loron , mate tamba saida ita seidauk identifika motivo joven oan nia mate.”
Alvino Sakoko hatutan kestaun ne’e nia parte sei aprejenta ba komisaun asuntus kombatentes da libertasaun liu-liu iha kongresu nasional hodi buka tuir ema sira nebe mak oferese nia vida ba ukun an to’o oras ne’e seidauk hetan sira nia mate .

Jornalista / editor : feliciano venancio belo

Comment