by

Loron Maskre 12 Novembru Santa Kruz Sai Loron Importante Ba Juventude Iha Era Ukun An


loron maskre 12 Novembru iha santa krus sai loron importante ba juvnetude sira iha era ukun an tamba juventude iha era agora presiza hatene história lolos husi juventude ne’ebé oraganiza an iha momentu ne’eba hodi oferese an tomak ba mate ba libertasaun.

Lia hirak ne’e hato’o husi kordenador sekretariu Estadu Juventude e Desportu Mario Henattes hafoin halao abertura semináriu ba loron juventude ba dala sanulu resin lima no loron 12 novembru ba dala rua nulu resin sia iha CCB ba jornalista sira kuarta feira ne’e hateten juventude iha luta ukun an brani tebes hodi liberta rai doben Timor-Leste husi okupasaun Indonésia.

Iha abertura ba semináriu ne’e SEJD kontinua motiva no inspira nafatin juventude atu brani liu atu estuda nafatin tamba dadaun ne’e juventude moris iha era globalizasaun ne’ebé nakonu ho teknolójia oi-oin hanesan telephone no seluk tan.

“Juventude tempu ne’eba barani tebes hodi liberta rai ida ne’e, i juventude agora tenki brani para hodi kontinuasaun, atu kontinusaun tenki eskola no estuda horseik marsa ba dame joven balun hare hamnasa fali, kolega resistensia ida tur iha dalan ita tun mai labarik no joven sira viva viva nia dehan imi foin mak hader, ohin dader hau liu husi nia uma husu kedas, nia dehan maun deskulpa, sira hakilar tamba ita no sira kontinua para historia sira ne’e labele lakon”. Dehan kordenador SEJD Mario Henattes ba jornalista sira iha CCB,(kuarta,11/11/20).

Nia hatutan iha era independensia ne’e nia husu ba juventude sira atu tau neon ba estuda nune’e hodi dezenvolve nasaun timor leste,ba futuru SEJD iha ona planu kada tinan sei selebra loron 12 novembru iha postu sira.

“Oinsa mak imi abanbainrua sai kontinuador ba prosesu dezenvolvimentu iha era independensia ninian tamba ne’e mak hau husu ba alin juventude sira tenki ho neon ho laran tomak estuda estuda estuda makaas, tinan oin mai hau koalia ho sekretariu estadu katak 12 novembru ita munisipiu desloka fali postu,tinan ida halo iha postu ida para hotu-hotu konsentra labele iha munisipiu deit para hotu-hotu servisu”. Haktuir Mario Henattes.

Iha fatin hanesan presidenti autoridade munisipiu baucau Antonio Augostu Guterres hateten juventude agora la hanesan ho juventude sira iha tempu uluk tamba sira brani hodi sakrifika sira nia an atu hetan liberdade.

Agora diferente koalia kona ba joven autor ba hari’i sosiedade rezilente, rezilensia ba sosiedade modernu ne’e mak oinsa sosiedade modernu no sosiedade demokratiku, uluk lae hateten ba malu husi ibun ba ibun nia solidariza nia an ba solidariedade hatudu espiritu brani mate tamba patriotism no nasionalismu sakrifika nia an tamba nia hakarak liberta nia an husi okupasaun illegal sira i hakarak lao nia ain rasik iha nia rain leten nia rasik orienta no organiza nia an hodi komanda nia an rasik”. Dehan PAM hafoin partisipa seminariu ba loron 12 novembru no loron juventude

Aleinde ne’e liu husi loron maskre santa krus no loron ba juventude nian oradores sira nafatin kontinua prepara matéria ba estudante no juventude sira atu bele relflete nafatin história saida deit mak luta nain sira halo iha tempu ne’eba.(ag)

Jornalista :Agus Guterres

Editór : Calistro Pereira

Comment