by

Grupu Juventude ba Mudansa Baucau realiza Sertame ba Estudantes hodi komemora loron Masakre Santa Kruz 12 Novembru

Grupu Juventude ba Mudansa husi Munispiu Baucau realiza sertame ba estudantes husi eskola sekundaria Ne,en hanesan Eskola Sekundaria Gerál 02 Vila Nova ,Sekundaria Geral 01 ,Eskola Tekniku Informatíku, eskola Sekundaria Sacorjes, no Eskola Sekundaria Santo Antonio Teulale hodi komemora loron masakre santa kruz 12 Novembru ba dala rua nolu resin sia, ho tema “Joven autor ba hari’i sosiadade rezilente”. hato’o husi Kordenador ba grupu foin sa’e munisipiu baucau Januario Moniz viegas hateten objetivu husi sertame ne’e atu fo oportunidade ba estudantes foin sa’e sira hodi hatene historia masakre santa cruz nian durante luta ba ukun rasik an.

Nia afirma materia iha sertame ne’e mak historia timor leste nian durante iha tinan rihun ida atus sia hitu nolu resin lima to’o timor leste restaura nia independensia .

objektivu sertame ami konvida estudantes sira mai tuir atu hatene historia ita nia aman luta nain sira hahu luta ba libertasaun nasional hahu fo idea hamutuk iha tempu ne’eba no bolu joven sira hamutuk atu luta to’o iha tinan 1991 mosu masakre maibe la to’o iha ne’e maibe to’o iha rezultadu referendu tamba ne’e ami prepara materia ba sertame bazeia ba historia timor leste nian atu nune’e joven sira la bele haluha historia timor nian durante luta hasoru indonezia” dehan Januario ba RCLM tersa-feira (10/11) iha salaun Enkontru munisipiu baucau.

Kordenadr gurpu foin sae Baucau husu mos ba joventude hotu iha Timor Leste liu-liu iha Munisipiu Baucau labele lakon oportunidade maibé iha ispiritu voluntarismu no nasionalizmu hodi hatutan lutan nain sira nia historia durante funu hasoru inimigu sira .

“ba joven sira tempu ida agora ita la bele halimar barak liu maibe presiza iha ita nia espiritu voluntarizmu oinsa ita hatutan luta nain no maluk juventude sira sira nia historia durante funu ba rai ida ne’e hodi hetan independensia no agora ita iha ona liberdade ita joven tenke sai autor ba dezenvolvimentu”dehan Januario.

Iha tempu hanesan Kordenador Sekretario Estadu Juventude Desportu Munisipiu Baucau Mario Henattes hateten loron juventude mosu wainhira mosu masakre santa cruz joven barak dedika sira nia an no organiza malu halo demostrasaun hasoru ivazor indonezia no kilat tarotu hodi mundu sira rona tamba ne’e mak goveno foti loron 12 sai loron importante ba juventude timor leste

aktividade ida ne’e iha importante rua ida mak loron masakre santa kruz ne’ebe akontese iha tinan 1991 liu ba ne’ebe partisipa direta husi joven sobrevivente sira hanesan Sakoko, elende ne’e selebra mos loron juventude tamba loron mosu husi loron masker nian no iha tempu ne’eba juventude barak mak voluntariamente oferese an no organiza malu oinsa inimigu sira nia kilat tarotu para mundu hotu rona tamba ne’e governo foti loron ida ne’e sai loron importante ba juventude sira”dehan Mario wainhira halo abertura sertame nivel eskola skundaria.

Tuir observasaun jornalista iha terenu sertame ne’e seidauk iha rezultadu ba manan nain tamba sei iha prosesu nia laran.(af)

Jornalista: Abrão Freitas

Editór :Agus Guterres

Comment