by

Asidente Trafiku iha Vemasse Laen Mate, Inan ho Oan Kanek Todan.

Ema ida mate, no nain rua seluk kanek iha asidente kareta pajero ho numeiro policia 27-433 tls soke motor ida no numeiro policia 7137 iha area ponte manulede posto administrativu vemasse municipio baucau .

Familia vitima hateten motivu asidente nee mosu wainhira kareta pajero atu ultrapasa kareta ida husi oin hafoin soke vitima nain tolu , Rasta too metro lima nolu , Kareta nee halai husi dirasaun dili mai baucau ekuanto motor husi dirasaun kairabela ba vemasse,dehan familia vitima Joao da Costa ba jornalista Radio Comunidade Lian Matebean Baucau iha Horex Baucau sabadu (07/ 11).

” vitima Joao da Silva no nia fen kaben Anita Frietas tinan 32 ho nia oan mane Vicente Ratulesa tinan hitu ho motor atu ba pasar iha area kampu baru suco Vemasse Tasi, hafoin hetan soke husi kareta rejulta vitima Joao da Silva sofre kanek todan iha ulun no hetan pangkada makas iha hirus matan , vitima iss kotu iha dalan wainhira tranporta ba hospital baucau”

Joao afirma motivu asidente nee mosu wainhira kareta pajero atu ultrapasa kareta ida husi oin hafoin soke vitima nain tolu, Rasta too metro lima nolu. Kareta nee halai husi dirasaun dili mai baucau ekuanto motor husi dirasaun kairabela ba vemasse . Enkuantu vitima anita freitas sofre kenek todan tamba taor iha kelen ain parte karuk entuan vitima nia oan mane sofre kanek kaman.

Entertantu Joao Domingos Belo enfremeiro sala Emergencia Hospital Regional Baucau hateten vitima Anita Freitas sofre toar iha aintur parte los , ho liman los no kidan nebe vitima transfere ona ba hospital nasional dili hodi halo kuidadu intensivu ekuanto vitima Vicente Tatulesa ho kondisaun diak maibe sei kontinua halo observasaun husi mediku sira

” ami simu pasiente anita freitas nebe tohar iha parte kinan , liman no kinan nebe transporta ona ba hospital nasional guido valedares dili”.
Too noticia nee publika seidauk hetan konfirmasaun husi Policia Tranzito Municipio Baucau tamba sei halo prosesu investigasaun ba kasu nee.(fvb)

Jornalista :Feliciano Venancio Belo

Editor:Agus Guterres

Comment