by

HoREX Baucau Rejista Kazu Mortalidade 147


Hóspitál Rejionál Eduardu Ximenes Baucau durante fulan sia hahu husi fulan janeiru to’o setembru tinan ne’e rejistu kazu mortalidade hamutuk atus ida hat nulu resin hitu no mortalida hirak ne’e maioria mai husi ema boot.

Lia hirak ne’e hato’o husi Pontu Vokal Sala Emerjensia Mario Belo hateten total kazu mortalidade iha sala emerjensia no internamentu iha hospital rejionál eduardu ximenes baucau hamutuk atus ida haat nulu resin hitu,enkuantu kazu mortalidade hirak ne’e balun mai husi asidente no maioria mak moras ho kondisaun saúde grave no pesoál saúde HoREX labele salva sira nia vida .

“moratalidade ne’ebe mak iha emerjensian no internamentu total kazu ne’ebe akontese iha fulan janeiru to’o setembru total ne’ebe ami rekoilla centu kuarente sete pessoas(147) ne’ebe mak mate iha ita nia HoREX baucau no rezultadu mortalidade ne’e balun moras no asidente sira” dehan Mario ba jornalista RCLM Tersa-feira(20/10) iha sala Emerjensia HoRex Baucau.

Nia afirma durante fulan janeiru to’o sentembru tinan ne’e HoREX baucau rejistu kazu moras husi (OPD) poli klinika maoria mak moras ispa inklui moras seluk tan ho totál hamutuk rihun lima atus haat haat nulu resin rua no (IPD) sala baixa intermanetu nian maioria mak moras pneumonia inklui moras seluk tan ho totál hamutuk atus neen lima nulu resin haat.

“moras ne’ebe maioria alta iha hospital rejional Eduardo ximenes baucau durante fulan janeiru to’o setembru 2020 i ami uza ba kategoria tolu ida primeiu mak OPD, OPD ne’e moras ne’ebe mak mai iha poli klinika konsulta depois nia fila fali ba uma i depois ida emerjensia ne’ebe mak liu husi portaun emerjensia nian no ida seluk internamentu ga IPD iha kategoria tolu ne’e ami foti hahu husi fulan janeiru to’o setembru ne’ebe iha OPD janeiru to’o setembru iha maoria primeiru mak ispa iha ne’eba hamutuk dois mill ida ne’e mak kazu maioria no kazu IPD nian maioria iha HoREX baucau mak primeiru Pneumonia iha segundu mak tuberculose” Dehan Mario

Enkuantu dadaun ne’e Hospitál Rejionál Eduardo Xemenes Baucau nafatin halo lina kordenasaun servisu ho sames nasional no distritál inklui sentru saúde sira kona ba ai moruk nian hodi kompleta malu atu halo atendimentu ba pasiente sira.(cp)

Jornalista : Calistro Pereira

Editór :Agus Guterres

Comment