by

PDHJ Baucau Enkontro Ho Parseiro Servisu Ngo’s Kona Ba Konsultasaun Externu Ba Revijaun Planu Estratejiku

Planu Estratejiku Ba Tinan Sanolu Nian
Provedoria Direutus Humanus E Justisa Delegasaun Territórial Baucau realiza enkontru ho parseiro servisu ngo’s sira iha munisípiu Baucau kona-ba konsultasaun externu ba revijaun planu estratéjiku ba tinan rihun rua sanolu resin ida too rihun rua rua nolu.

Diretora delegasaun Territórial Munisípiu Baucau Juanita Silveira da Costa ba jornalista Radio Comunidade Lian Matebean Baucau Tersa feira iha salaun enkontru PDHJ Baucau hateten objetivo husi konsultasaun externa ne‘e oinsá atu fahe informasaun rejultadu servisu PDHJ nian durante tinan sanolu bazeia ba perioridade ba estratéjiku ne‘ebe mak define ona no oinsá atu rona ideias,komentario,no rekomendasaun sira husi parte hotu ho relasaun rejultadu servisu tinan sanulu (10) hodi melhora servisu PDHJ iha tinan lima oin mai.

iha PDHJ delegasun territorial baucau realiza aktividade enkontru konsultasaun externu ba revisaun planu estratejiku ba 2011-2020 nian ne’ebe realiza durante loron rua, enkontru konsultasaun esternu ne’e nia objetivu primeiru mak fahe imforamasaun ba ita nia alvu no partisipante sira konaba progressu servisu ne’ebe mak PDHJ realiza ona durante tinan sanulu bazeia ba metas haat ne’ebe mak iha aleinde liu husi enkontru ida ne’e mos atu hetan imformasaun no sujestaun rekomendasaun no ideias sira husi partisipantes sira atu mellora diak liu tan servisu PDHJ nian ba tinan lima mai, no diskusaun sira liu husi enkontru ida ne’e ninia finalidade mak atu atinje ba iha objetivu instituisaun nian atu promove bazeia ba iha mandatu PDHJ nian” Dehan Diretora Juanita Siveira da Costa Silveira Delegasaun Tritoriál Munisipiu Baucau (13/10) iha salaun PDHJ Baucau.

Diretora delegasaun territórial hateten bazeia ba planu estratéjiku tinan sanolu aktividade ne‘ebe mak PDHJ trassa bazeia ba metas hat importante mak atinji pursentu neen nolu resin ualu enkuantu aktividade ne‘ebe mak latinji objetivo mak pursentu tolu nolu resin rua.

iha tinan sanulu bazeia ba iha planu estratejiku 2011 mai to’o iha 2020 aktividade ne’ebe mak PDHJ trassa bazeia ba metas haat importante ne’e mak aktividade iha hitu nulu resin hitu atinji mak neen nulu resin walu pursentu ka aktividade lima nulu rasin rua no ida ne’ebe mak la atinji hamutuk tolu nulu resin rua pursentu ka aktividade iha vinte sinku” tenik Juanita.

Iha tempu hanesan partisipantes NGO CDC João da Costa Coreia hateten tuir observasaun sosiaedade sivil nian ba planu estratéjiku husi tinan rihun rua sanolu resin ida to‘o tinan rihun rua rua nolu ne‘ebe mak provedoria direitus humanus e justica delegasaun territórial nia servisu ne‘ebe mak atinji pursentu hitu nolu resin lima maibé pursentu rua nolu resin lima sira la atinji tamba menus rekursu humanu ,transporte inklui mos orsamentu ne‘ebe mak aloka ba PDHJ ne‘e kiik tebes.

Husi sosiedade sivil nia hare ba iha planu estratejiku 2011-2020 ne’ebe sira atinji to’o setenta sinku pursentu,hela vinte sinku pursentu tamba vinte sinku ne’e laos failnsu kona ba tekniku lae sira mos iha limitasaun ba rekursus humanu, transportes ho buat sira ne’e mak sira labele atinje”

Enkontru ne‘e halao durante loron rua ba loron dahuluk enkontru ho alvo identifikadu sira ne‘ebe mak sai parseiro PDHJ nian mak husi entidades públiku sira enkuantu loron da ruak enkontru ho alvo parseiro ho PDHJ nian mak sosiedade sivil no NGO’s sira iha Munisípiu Baucau.(fvb)

Jornalista :Feliciano Venancio Belo

Editór :Agus Gutertes

Comment