by

Klinika Dolce Coure Halo Konsulta Gratuita ba Komunidade Aldeia Festau


Klinika Dolce Coure halo konsulta gratuita ba komunidade aldeia Festau suku Samalari postu adminitrativu Baucau vila atu ajuda komunidade ne’ebé hela dook hosi fasilidade saude tamba klinika refere iha espiritu karitativu.

Lia hirak nee hatoo hosi diretora klinika Dolce Coure Dotora Ivonia Ana hateten objetivu halo konsulta ba komunidade aldeia Festau ne’e tamba klinika rasik iha programa hakarak apoiu ai moruk liu hosi konsulta gratuita ba komunidade ne’ebé hetan moras hanesan ain tuur moras, tensaun, kanek, mear, inus metin no moras seluk hafoin fo tuir ai moruk hirak nee.

Nia afirma ai moruk hirak ne’e hetan apoiu hosi duadór hosi Australia ne’ebé ho intensaun atu ajuda populasaun sira iha area rurál ne’ebé infrenta moras.

Klinika ne’e halai liu ba karitativu ne’ebé ami iha nee focus ba ajuda ema sira neebe liu-liu hela iha area rural neebe persiza duni ami nia ajuda, fatin sira neebe ami ba hamutuk sanulu resin tolu iha Baukau laran tomak, aliened nee ami mos halo tratamentu gratuita iha ami nia klinika area uma lima vila-antiga ba ema kbiit laek, maibe ema neebe iha kapasidade finansia sei selu aimoruk“Dehan diretora klinika Dolce Coure Dotora Ivonia Ana ba radio komunidade lian matebean Kinta feira (15/10) iha aldeia Festau.

Iha tempu hanesan xefe suku Samalari Rui Sertorio Magno Siqueira sente kontente ho prezensa klinika Dolce Coure ne’ebé iha solidaridade bo’ot hodi halo ona konsulta saúde ba komunidade aldeia Festau no fó mós ai moruk gratuita ba pasiente sira ne’ebé moras.

Hau senti iha hau nia fuan kontenti liu husi atendimentu gratuita husi klinika Dolce Coure mesak ema joven hotu hatudu sira nia solidariedade ba sira nia inan aman maun no bin feton sira tamba sira mai iha area ida neebe risku oituan ba inan isin rua atu ba halo tratamentu iha fasilidade saude“dehan Rui.

Entertantu pasiente Belina do Carmo Freitas senti kontente tamba bele ona fo tratamentu saude ba labarik, inan, aman no isin rua sira neebe durante hetan moras no simu mos ai moruk moras nian hosi parte klinika nian.

Hau senti kontenti teb-tebes ho prezensa klinika Dolce Coure mai iha ami nia fatin tamba ami iha nee doo husi fasilidade bainhira hetan moras sempre lao dook“dehan Belina.

Servisu klinika Dolce Coure durante nee kobre ona ba postu administrativu tolu hanesan Baukau vila, Vemasse inklui Venilale hodi kontinua halo tratamentu saude ba komunidade sira neebe hetan moras
Klinika Dolce Coure mos sei nafatin vizita komunidade tarzetu sira kada fulan hodi halo nafatin tratamentu saude.(af)

Jornalists : Abrão Freitas

Editór : Agus Guterres

Comment