by

PUDD fó Pose Ba Estrutura Membru Foun iha Munisípiu Baucau


PUDD (Partidu Unidade Dezenvolvimentu Demokratiku) realiza atividade seremonia tomada de posse ba estrutura aldeia, suku no postu administrative Baucau vila ho objetivu hametin fila fali estrutura baze atu nune’e bele hetan Vitoria iha eleisaun jeral tinan rihun rua, rua nulu resin tolu mai.

Kestaun ne’e hato’o husi sekretariu jeral PUDD Jose Monteiro hateten tinan 2020 partidu focus tomada de posse ba estrutura suku no fiskais, tama tinan 2021 hala’o tomada de pose ba estrutura municipál hafoin kontinua halo perparasaun ba kongresu nasional.

Nia afirma seremonia tomada de pose ne’ebé hala’o tinan ida ne’e atu hametin fila fali estrutura partidu nian iha baze no hanesan atividade regular ida husi partidu nian.

“ho seremonia tomada de pose ba estrutura suku no fiskais ami garantia katak eleisaun 2023 ami sei hetan votus barak iha munisipiu Baucau ami organizadu ona ho estrutura ne’ebe ami hari’i”dehan sekretariu jeral PUDD Jose Monteiro ba RCLM Sabadu (3/10) lokraik iha salao Tipografia dioseze Baukau vila-nova.

Iha fatin hanesan kordenador PUDD suku Gariuai Sebastiao da Costa hateten ho seremonia tomada de posse ne’ebé hala’o dadauk garante katak sei hetan votus maioria iha postu administrative Baucau vila iha tinan 2023 ho votus rihun hitu.

“Ho seremonia tomada de posse ne’e hahu hatudu katak molok tama ba eleisaun tinan rihun rua rua nulu resin tolu votus iha munisipiu tamba agora dadauk ami lao namas tama sai postu administrative no munisipiu to’o tinan 2023 ami bele hetan votus barak”dehan kordenador PUDD.

Hola parte iha seremonia tomada de pose sekretariu jeral PUDD hamutuk ho nia estrutura husi nasional no estrutura postu administrative Baucau vila ne’ebé simu pose hamutuk ema nain atus tolu resin.(af)

Jornalista :Abrão Freitas

Editór : Agus Guterres

Comment