by

Autóredade Lokál Suku Larisula Rekomenda ba MAP atu Urujente halo Manutensaun Iragasaun Afalita

Autóredade Lokál husi Suku Larisula postu Administrativu Baguia Munisipiu Baucau rekomenda ba Ministériu Agrikúltura Peska atu urujente halo manutensaun ba irigasaun Afalita ne’ebé mota sobu relasiona ho udan bo’ot ne’ebé akotense iha fulan Maio liu ba hodi estraga bareira no intake.

Kestaun ne’e hato’o husi Xefe Suku Larisula Mario De Jesus ba jornalista sira hateten wainhira Ministériu Agrikultura no Peskas la tau prioriedade ba irigasaun afalita mak tinan oin mai sei fó impaktu ba komunidade agrikultór sira hodi la bele halai natar.

Nia afirma situasaun ne’e sei fó impkatu ba natar hektare atus tolu hitu nolu resin hat sei husik abandona tamba tipiu estragus ne’ebé iha difikulta fornesementu be’e ba natar.

Mario hatutan durante iha fulan abril no maio mota konsege lori natar komunidade hamutuk hektare hat resin inklui plantasaun nu’u, hudi no seluk tan,tamba ne’e nia parte husu ba ministèriu relevante hodi ekipamentus pezadu atu normalize hikas natar ne’ebé mota estragus.

ami rekomenda ba Ministeriu agrikultura peskas presiza iha tempu badak normalize fila fali natar ne’ebe motas estragus iha fulan abril maiu liu ba,natar ulun ida tomak hare iha tiha laran mak inundasaun sobu total no konta hamutuk rai nebe sata netik natar hamutuk hectares hat” dehan Mario de Jesus Ximenes Xefe suku larisula 06/10 iha natar larisula.

Hatan ba prekupasaun ne’e Director Servisu Municipál Agrikultura Baucau Agostino Gutrres rekonese estagus ne’ebé iha ,nia parte halo ona karta pedidu ba Dirasaun Nasionál Irigasaun maibé tempu badak seidauk bele hadia tamba dadaun ne’e governo la’o ho osan duo desimu.

“depois akotesementu ami hetan kedas relatoriu husi tekniku sira ne’ebe aloka mai iha ne’e no ami kontinua hato’o emediatamente relatoriu ba iha ministeriu agrikultura liu-liu dirasaun geral agrikultura irigasaun I naaton kuda hare diretur geral MAP mai hare’e diretamente kondisaun ne’ebe iha soke problema bo’ot mak agora dadaun ita iha hela impase politika governo uza orsamentu duo desimu entaun ita la bele resolve lalais maibe proposta ita hato’o ona ba ministeriu agrikultura peskas no ita hein orsamentu ne’ebe dadaun governo debate hela iha parlamentu se preve orsamentu I aprova husi parlamentu no no iha planu atu hadia fila fali ita bele fo sai”dehan Agostino.

Tuir estimasaun tekniku irigasaun presiza orsamentu hamutuk dolares rihun atus rua to’o dolar rihun atu tolu hodi bele halo manutesaun ba irigasaun Afalita.(af)

Jornalista :Abrão Freitas

Editór :Agus Guterres

Comment