by

Xefe Gabinete Premeiru Ministru Apoiu ba Asuntu Sosiadade Sivil vizita koretejiál CVTL filiál Baucau


Xefe Gabinete Premeiru Ministru ba asuntu apoiu sosiadade sivil Filipe da Costa halo vizita koretejiál Crus Vermelia Timor Leste (CVTL) filiá Baucau ho obektivu atu observa direta ba aktividade servisu CVTL durante ne’e, alende ne’e partilla mos planu prisipál gabinete sosiedade sivil nian liga ba orsamentu jerál estadu 2021 nian tamba CVTL hanesan organizasaun auxiliary ne’ebé simu apoiu husi gabiente apoiu sosiedade sivil kada tinan aprova orsamentu rihun atus rua lima nolu dolares amerikanu ba kustu operasioná hotu iha Timor Leste.

Nia esplika Apresia tebes servisu CVTL filiál baucau tamba durante hala’o servisu diak no sai mos filiál apoiu regiaun leste hanesan baucau,viqueque,no lautem ne’ebé iha vontade boot atu fo nafatin apoiu umanitariu populasaun iha baze,alende iha vizita ne’e Xefe gabinete hare mos kondisaun hotu ne’ebé durante ne’e servisu CVTL Filiál baucau infrenta.

iha vizita ida ne’e nia obejektivu atu mai hare aktividade filial nian ne’ebe mak sira hala’o iha ne’e nune’e partilla informasaun planu oituan konaba Gabinete asuntu apoiu sosiadade sivil rasik,kruz vermela timor leste hanesan organizasaun auxiliary ke nia simu mos apoiu husi gabinete apoiu sosiedade sivil kada tinan governo fo apoiu orsamentu rihun atus rua lima nolu ba kustu poerasional filial hotu hotu iha teritoriu timor leste inklui sira nia programa runtina sira,hau kontente tebes hare CVTL filial baucau funsiona ho kapas los no sai mos filial apoiu regiaun leste”dehan Filipe ba jornalista RCLM quart-feira(30/09) wainhira vizita hotu.

Iha tempu hanesan prezidente CVTL Filiál Baucau Jose do Carmo Pinto hateten CVTL filiál Baucau hanesan ausiliar governu ne’ebé durante ne’e hala’o nia servisu lubuk ida ho pasu pozitivu hodi apoiu ona populasaun iha baze liu hosi aktividade servisu oi-oin hanesan dada be’e mos,kuda modo,sosializa infomasaun kovid-19 nia ba komunidade inklui fo formasaun ba juventude sira.

‟servisu ne’ebe durante tinan barak nia laran CVTL filial baucau halo hanesan pasu pozetivu tebe-tebes atu ita hamutuk hodi dezenvolve liu liu sosieade sivil ida ne’e burak liu tan iha nasaun timor leste” dehan josé.

Alende ne’e prezidente CVTL Filial baucau husu xefe gabineti atu nafatin enkoraja CVTL sira hodi la’o ba oin no la’os deit iha timor maibé to’o iha mundu internasionál.(af)
Jornalista:Abrão freitas
Editor:Agus guterres

Comment