by

Tuir Relatóriu Banku Mundiál hatudu Ekonómia Timor Leste tun ba porsentu hat

tuir relatoriu ne’ebé fo sai husi banku mundiál fulan tolu nian hatudu ekonómia timor-leste tun ba porsentu hat tamba populasaun kada loron hetan deit rendementu dolar ida sentavus sia nolu ba kraik, nune’e halo populasaun sira labele hola nesesidade uma laran.

Nia hatutan antes ne’e kresimentu ekonomia timor- leste sae ba porsentu hitu maibé relasiona ho situasaun politiku no covid- 19 afeta timor-leste inklui mundu tomak hodi fo impaktu ba timor-leste nia kresementu ekonómia tun ba porsentu hat.

Nia afirma atu solusiona situasaun ekonomia ne’e governu iha ona politika liu husi rekoperasaun ekonómia hanesan fo subsidiu dolar atus rua ba agregadu família,no dadaun ne’e oitavu governo iha ona planu atu fo sesta bazika ba família hotu iha timor laran tomak no governo mos lansa ona kreditu ho funan ki’ik inklui tau mos osan rihun tolu nolu ba kada suku ba aktividade ekonómia.

ema ne’ebe seidauk bele atu investe iha nia vida sei iha porsentu hat nolu tuir relatoriu banku mundial nian atu ita rekopera fila fali mak ita nia governo halo aktividade lubuk ida mak hanesan foin lalais fo subsidiu ba uma kain ne’e ita bolu kas tresfere ne’ebe uma kain hotu-hotu iha timor leste sira ne’ebe rendimentu dolar atus lima ba kraik hetan dolar atus rua ba fulan rua nian no tuir mai governo mos iha ona planu atu apoiu tan sesta bazika fahe aihan ho nia montante dolar rua nolu resin lima nian ba familia hotu-hotu rendementu liu dolar atus lima ba leten mos hetan hotu hahan produto local ne’e iha dalan seluk ba longu prazu nian governu foin lalais lansa kreditu ne’ebé funan ki’ik porsentu tolu no dalan seluk tan governo iha ona planu atu tau dolar rihun atus tolu ba ihakada suku ba aktividade ekonomia ne’e hanesan osan fini ou kapitál social atu ita hodi uza halo ba negosiu ruma”dehan Filipe da Costa iha Salaun CVTL Filial Baucau.

Nia akresenta planu rekoperasaun ekonómia ne’e governo halo bazeia ba rekomendasaun no sujestaun husi ekipa estabilizasaun ekonomista timor oan ba governo no doadores husi estranjeirus sira atu adopta.

planu sira ne’ebe ita nia governo halo ne’e planu mai husi rekomendasaun,sugestaun husi ekipa estabilizaun ekonomia no iha ne’e mai husi timo oan mak iha laran no sira nia rekomendasaun ne’e governo adopta I sira mos rekomenda ba parseiru no duadores sira atu ita bele adopta no ita hotu espera servisu hamutuk atu asegura oinsa mak ekonomia fila fali ba nia fatin se bele sae tan” Filipe hatutan.

Ekonomia timor leste tun ba porsentu hat iha kuarter segundu nian no espera servisu hamutuk parte hotu nian iha kuarter tuir mai ekonomia timor bele rekopera fila fali.(af)
Jornalista:Abrão freitas
Editor:Agus guterres

Comment