by

ANPM Sosializa Dekretu-Lei no18/2020 ba Entidade no Autóridade iha Regiaun Leste


Autoridade Nasionál Petróleo no Minarais liu hosi Ministériu no Minarais hala’o sosializasaun ba dekretu lei no 18/2020 kona-ba operasaun petrolifera iha area Onshore (Rai Maran) Timor-Leste ba entidade no autóriedades suku sira iha regiaun Leste hanesan Lautem,Viqueque no Baucau iha salaun apuramnetu munisípiu Baucau.

Lia hirak ne’e hato’o hosi Reprezentante Prezidente ANPM Mateus da Costa ba jornalista Tersa Fera ne’e hateten tuir lei no 1/2019 premeiru alterasaun ba lei no.13/2005, Lei atividade petrolifero Artigu 31 fo kbi’it ba governu Timor-Leste atu kria regulamentu ba aspeitu oin-oin iha operasaun mina no gás iha area rai maran (onshore).

Nia afirma bazeia ba dekretu lei no.27/2019 artigu 27 fo kbi’it ba autoridade nasional petroleo no minarais ho objetivu atu sosializa dekretu lei no.18/2020 no mos habelar informasaun kona-ba aktividade petróleo iha area rai maran no mos peskiza ne’ebé daudaun ne’e hala’o iha area rai maran.

Objetivu principal husi aktividade sosializasaun ne’e mak atu mai divulga fali imformasaun relasiona ho dekretu lei refere tamba durante ne’e ita halo aktividade mesmo ke ita iha ona bloku rua iha area rai maran hanesan iha covalima no mos iha manufahi maibe ita ladauk iha regulamentu sira ne’ebe bele kesi ita entre ita ho operador aleinde ne’e kontratu mos ho lei petrolifera nian, iha lei inan ba aktividade petrolifera ne’e mak ita bolu lei aktividade petroleo ne’ebe mak hanesan sai hanesan lei inan ba aktividade petroleo hotu ne’ebe vigora laos ba rai maran deit maibe ba tasi laran hotu”. Dehan Reprezentante Prezidente ANPM Mateus da Costa ba jornalista (Tersa, 29/9/20).

Nia hatutan iha sosializasaun ne’e parte ANPM fo prioridade liu ba xefe suku sira tamba wainhira iha peskiza aktividade rai maran bele afeta ba lalaok komunidade sira liu-liu iha to’os no natar tamba ne’e presiza tebes involvementu xefe suku sira iha sosializasaun, hodi nune’e wainhira aktividade lao, iha ona informasaun ba komunidade tamba xefe suku sira mak iha baze sempre lao ho komunidade.

Ita nia prioridade ba xefe suku sira tamba xefe suku sira mak iha baze ne’e sira besik liu ba povu tamba ne’e mak liu-liu aktividade peskiza mina iha area rai maran ne’e dala barak mos afeita mos ba lalaok moris komunidade sira nian hanesan toos natar no aihoris ruma ne’ebe mak komunidade nian entaun ita divulga imformasaun sira ne’e ba xefe suku sira para sir abele iha kuinesimentu ona hodi nune’e aban bainrua kuandu aktividade ne’e lao ona iha terreinu entaun sira iha kuinesimentu antes ona ita labele ba to’o iha kada suku tamba ne’e susar uitan tamba ho tempu limitadu ho rekursu ne’ebe limitadu mos no ema ne’ebe uitan entaun ita husi uluk xefe suku” Mateus Haktuir.

Iha tempu hanesan xefe suku Tito Caetano hateten sosializasaun ne’e importante tebes ba autoridade suku sira tamba liu ANPM bele divulga fali ba komunidade sira atu nune’e hodi sira bele komprende lalaok lei refere.
Nia rekomenda mos ba parte ANPM wainhira tama ho kompaňia ruma iha area suku tenke halo uluk kordenasaun molok hala’o aktividade.

Sosializasaun ba loron ohin ne’ebe ami partisipa hau hanoin ida ne’e importante tebes ami ami tamba ami bele rona imformasaun husi ANPM ida ne’e hodi ami mos bele hatutan imformasaun hirak ne’e ba ami nia komunidade sira iha baze hodi komunidade sira bele hatene lolos konaba lalaok ANPM nian, no ami autoridade lokal sira mos nafatin suporta ba kompania sira ne’ebe karik halo identifikasaun ba faitin sira ne’e no ami lideransa komunitaria nia rekomendasaun mak ne’e nain hira kompania sira mak tama hau nia area importante mak ita tenki kordena malu ho diak”Dehan xefe suku Tito Caetano.

Partisipa iha sosializasaun ne’e mai hosi autoridade munisipiu no xefe suku sira iha munisipiu tolu hanesan Lautem,viqueque no Baucau.(af)

Jornalista :Abrão Freitas

Editór :Agus Guterres

Comment