by

Komunidade Fatumaka Sente Kontetente ho Prezensa SAMES


Komunidade no estudante Colegia Fatumaka husi suku Gariwai postu administrativu Baucau vila sente kontente ho prezensa Servisu Autonómia Medikamentu no Ekipamentus Saúde (SAMES) bele hala’o ona tratamentu saúde gratuitu tamba durante ne’e komunidade la ba dook ona hodi asesu fasilidade saúde maibé bele hetan asistensia saúde husi dotor espesialista sira iha colegiu fatumaka.

Lia hirak ne’e hato’o husi komunidade Agostinha da costa Marcal ba jornalista sira hateten husu ba parte sames atu kontinua hala’o aktividade konsulta gratuita ba komunidade sira area rural tamba durante ne’e komunidade sira la’o dok hodi asesu fasilidade saúde.

hau sente kontente prezensa SAMES iha fatin ne’e tamba ami la la’o dok ba sentru saúde no emfermeiru dotor espesialista sira mai deit ami nia fatin,iha fatumaka mos area rural ne’ebé dok husi sentru saúde sira hanesan tun liu ba ba Osogiga osohula ne’ebé rural liu hanesan fatumak tamba ne’e se bele ba fatina sira ne’e halo mós tratamentu iha area neba” dehan Agostinha ba jornalista RCLM sesta- feira(25/09) winhira remata tratamentu.

Iha tempu hanesan Director Colegiu Fatumaka Pe.David Savio hateten aktividade konsulta gratuita ne’ebé hala’o husi sames hamutuk ho dotor espesialista hoRex baucau fo benefisiu ba komunidade no estudantes sira tamba bele responde ona nesesidade komunidade nian liu-liu fahe aimoruk ba sira ne’ebé infrenta moras.

Alende ne’e nia husu ba SAMES no servisu municipál saude baucau atu habelar liu tan aktividade fó konsulta no sosiálizasaun ba komunidade sira kona ba moras sira ne’ebé bele kura no labele kura.

aktividade konsulta gratuita ne’ebé halao husi sames hamutuk ho dotor espesialista horex baucau fo benesifisiu ba komunidade hau sente ida ne’e fó benefisiu bot ba povu sira ne’ebé hela besik iha area ida ne’e inklui alunus sira tamba SAMES ohin mai ho ekipa boot ida dotor espesialista no lori mos aimoruk hodi bele hatan nesesidade povu nian liu ba sira ne’ebé moras” dehan Pe.David

Entertantu Direktor SAMES Nasionál Santana Martins hateten aktividade tratamentu saúde gratuita hala’o iha kolegiu fatumaka tamba kolegiu refere halibur estudante barak no aktividade ne’e hala’o atu komemora loron profisional sira ne’ebé servisu iha area farmasia nian .

objektivu sames realiza aktividade iha fatumaka ita hotu hatene katak fatumaka fatin konsentra komunidade ho nune’e dalaruma bele lori moras tamba ne’e sames aproveita komemora profisional sira ne’ebé servisu iha area farmasia nian halo konsultasaun ba komunidade sira”dehan Santana Martins.

Hafoin remata aktividade konsulta gratuita iha fatumaka no aktividade hanesan kontinua hala’o iha suku Loi-lubu Postu Administrativu Vemase inklui lansamentu programa saúde na familia.(af)

Jornalista:Abrão Freitas

Editór: Agus Guterres

Comment