by

Atleta Natasaun Imelda Felisita Ximens Belo no José João sei reprezenta Nasaun Timor-Leste tuir Jogos Olimpiku Natasaun iha Tokiu tinan 2021


Prezidente Federasaun Natasaun Timor- Leste, Laurentino Guterres hateten, Federasaun Natasaun timor leste sei haruka atleta nain rua hanesan Imelda Felesita no josé joão atu reprezenta nasaun timor leste tuir jogos olimpikus natasaun ihaTokiu tamba,sira nian rua durante ne’e tuir ona jogus kampionatu munidiál iha tinan rihun rua sanolu resin hat to’o tinan rihun rua sonolu resin sia.

Nia afirma ,tinan ne’e atleta nain rua sei halo preparasaun masimu tuir fasilidade natasaun timor leste nian ne’ebé iha atu nune’e iha tinan oin bele kompete ho nasaun seluk iha jogos olimpikus iha japaun Tuir nia maske pisina Baucau sei menus fasilidades hanesan kualidade be maibé pisina baucau sai kategoria atu atleta sirabele hala’o treinamentu.

Federasaun Natasaun timor- leste sei haruka ema nain rua feto ida mane ida hanesan Imelda no josé hanesan sira nain rua ne’ebe durante tuir ona jogus kampionatu mundial iha tinan 2014 to’o 2019,entaun tinan kotuk federasaun natasaun internasional hare’e katak timor leste bele haruka atleta natasaun nain rua partisipa jogus olimpikus tamba ne’e tinan ida ne’e ita prepara masimu no tinan oin ita bele haruka atleta nain rua partisipa jogus olimpikus”dehan Laurentino ba joranalista sira Sabadu(26/09) wainhira hala’o abertura kompetisaun natasaun ba estudantes sira iha pisina baucau.

Prezidente Federasaun Natasaun Timor- leste hatutan ho fasilidade ba atleta natasaun nian sira iha ona planu ba future sei halo pisina iha capital dili la’os kualidade internasional maibé estandar naton atu nune’e atleta natasaun sira bele halo trenamentu.

“iha dili ita buka hela fatin ida para iha future halo pisina ida iha dili la’os diak liu mais minimal estar tuir ita nia kapasidade ne’ebé iha atu nune’e ita nia atleta natador sira bele treinu iha laran hodi ba oin kontinua compete ho nasaun sira seluk iha asean games,kampionatu mundial no iha fatin seluk tan” Prezidente FNTL hatutan.

Entertantu Atleta Natasaun Timor- Leste,Imelda Felecita Ximens Belo hateten,hanesan atleta natasaun timor leste iha ona preparasaun tuir kapasidade atleta nian no pronto ona atu tuir kompetisaun jogos olimpikus iha nasaun internasional tinan oin, no nia mos espera sei hatudu rezultadu diak iha jogos olimpikus iha tokiu tinan 2021.

preparasaun ne’ebe ami halo hanesan atleta natasaun atu tuir kompetisaun jogus olimpikus iha tokiu ami iha ona preparasaun intensivu tuir preparasaun fasilidade timor- leste ne’ebe iha no iha esperansa hau sei hatudu rezultadu diak iha tokiu”dehan atleta Imelda.

Entertantu komunidade munisipiu baucau mos sente orgullo tamba pisina baucau konsege produz no forma atleta natasaun nain rua refere sei reprezenta nasaun timor- leste primeira vezs atu tuir kompetisaun desportu natasaun iha tokiu tinan 2021.(ab)

Jornalista (Abrão Freitas

Editór : Agus Guterres

Comment