by

Representante Juventude Suku Hae-Coni Husu KRAM Atu Sosializa Lei Nu.5/2017


Representante Juventude Suku Hae-Coni Postu Administrativu Baguia Munisípiu Baucau husu ba Komisaun Reguladores Arte Marsiais (KRAM) atu sosializa lei Númeru 5/2017 tamba durante ne’e joven sira iha suku refere barak mak seidauk hatene kona ba lei ne’e rasik.

Lia hirak ne’e hato’o husi representante Juventude Suku Hae-Coni Calistro Nobel Felizardo de Rosa ba Jornalista Radio Comunidade Lian Matenbian Baucau Tersa Feira ne’e hateten husu ba governo liu-liu parte KRAM atu sosializa lei númeru 5/2017 tamba juventude barak mak iha baze seidauk iha kuiňesimentu kona ba lei númeru 5/2017.

Nia afirma tamba lei refere koalia kona ba saida komunidade no juventude sira liu-liu grupu artemarsiais no arte ritual sira balun seidauk hatene klean,tamba ne’e nia husu atu parte relevante sira hakat ba suku no postu ida-idak atu sosializa lei ne’e rasik hodi nu’une bele reduz konflitu iha fatin públiku sira.

KRAM no parte relevante presiza sosializa uluk lei numeru 5/2017 no lei sira seluk ne’ebé mak ligadu ho krime nian atu nune’e komunidade ou joven sira komprende klean liu kona-ba lei númeru 5/2017 refere,tamba ita hotu hatene komuidade maioria liu-liu joven sira maioria la iha kuinesementu kona ba lei numeru ne’e rasik,tamba lei numeru 5/2017 iha ne’eba koalia kona ba saida no artigu hira-hira mak ne’eba i koalia kona ba saida joven barak la hatene tamba ne’e mak presiza sosializasaun ba iha komunidade sira no ba juventude sira liu-lii ba grupu arte marsiais sira atu nu’une sira bele komprende diak liu kona ba lei refere atu nu’une sira bele hatene lalaok husi lei ne’e atu nu’une ita bele garante ou ita bele reduz krime iha sosiedade ka iha fatin públiku sira relasiona ho grupu artemarsiais sira”. Dehan Representante

Juventude Suku Hae-Coni Calistro Nobel Felizardo de Rosa ba jornalista RCLM Tersa feira(22/09/20).
Representante juventude ne’e mos akresenta wainhira governu atu reativa grupu artemarsiais ne’ebé durante ne’e governu suspende presiza parte kompetente hatene kona-ba estatutu artemarasiais nian, aleinde ne’e parte relevante mos presiza fo formasaun ba treinador sira hodi nu’une bele prátika iha terreinu ho diak.

Arte marsiais tenki iha estatutu ne’ebé mak klaru ka iha vizaun no obejetivu ne’ebé mak klaru atu nu’une públiku bele hatene se iha ema ida hakarak atu tama ba grupu artemarsiais ida primeiru nia tenki hatene nia objetivu, por ezemplu hau tama iha grupu artemarsiais ne’e atu halo saida serake artemarsiais ne’e haruka hau atu halo problema ne’e tenki iha estatutu ida ne’ebé mak klaru atu nu’une ema ida-idak hatene nia an ou hili nia pozisaun oinsá nia atu tama ba artemarsiais ida, governo presiza fo formasaun ba treinador sira husi kada klub ka ranting se ezemplu treinador ida husi klub ida se nia la iha kuinesimentu kona ba formasaun sira no pratika nia bele hatene maibe maibe kona ba teoria presiza fo formasaun treinador sira atu nu’une treinador sira bele iha kuinesimentu ne’ebé mak klean atu nu’une sira bele fo formasaun ba sira nia alin sira ho diak, atu nu’une eduka sira atu sai ema ne’ebé mak diak no joven ida ne’ebé mak iha sentidu nasionalizmu, joven ida ne’ebé mak maduru atu nu’une labele hatudu tan aktus krime iha fatin publiku atu nu’une labele hamonu ka hafoer dignidade organizasaun ida-idak nian”Calistro Nobel salienta.

Entertantu representante juvuntude ne’e mós nafatin husu ba maluk foin sira seluk atu hatudu ezemplu diak iha sosiedade nia leet no iha konsiensia rasik hodi reduz konflitu iha ida-idak nia fatin tamba juventude mak sai xave ba futuru, tamba tuir nia laos konflitu mak lori rai ida ne’e ba oin maibe presiza matenek mak bele lori rai ne’e ba oin ho susesu.(cp)

Jornalista: Calistro Pereira

Editór : Agus Guterres

Comment