by

Asosiasaun UFD Realiza Seminar ba Formadu Segundu Faze

Asosiasaun UFD (Unidade Feto ba Dezenvolvimentu) munisipiu Baucau realiza seminar ho Tema Hakat ba Inovasaun Teknologia ho Sensia Baziku” ba formadu segundu faze inklui fahe sertifikadu ba formadu nain rua nolu resin neen ne’ebé finaliza ona sira nia kursu iha tinan rihun rua sanolu resin sia ba programa ingles,portugues, administrasaun, lideransa, jornalismu no komputadór.

Lia hirak nee hato’o hosi diretora asosisaun UFD Bendita de Jesus Amaral hateten tipu formasaun ne’ebé asosiasaun UFD oferese ba joven feto no mane sira ne’ebé iha interese atu aumenta sira nia kapasidade no abilidade liu hosi formasaun ne’ebé AUFD perpara.

Nia afirma formasaun primeira faze parte AUFD oferese deit kursu programa ingles, portugues, administrasaun, lideransa no jornalismu nian enkuantu kursu komputadór la konsege realize tamba la iha komputador maibé kursu segundu faze inklui fali kusrsu komputador nian tamba parte AUFD hetan apoiu osan hosi embaixada Portugal liu hosi instituisaun Camỡes ho valór dolar rihun lima hodi sosa ba komputadór inklui sasan seluk.

Iha area komputador ita la realiza mesmu bazeia ba ita nia formandu sira iha interese hakarak aprende hamutuk 75 pesoas maibe iha tempu neeba ita seidauk hetan ekipamentu konaba imformatiku ita la realiza momentu neeba maibe periode ida nee ita bele realiza ona ho grasa adeus hetan apoiu orsamentu husi embaixada Portugal liu husi instituisaun Camoes neebe fo apoiu hamutuk dollar rihun lima sosa komputador, laptop, projector, papan tulis, kadeira no seluk tan“dehan diretora asosiasaun UFD Bendita de J. Amaral ba Radio Komunidade Baucau Sesta feira (18/9) lokraik iha sentru AUFD vila-nova Baucau.

Iha tempu hanesan Prezidente Autóridade Munisípiu Baucau Antonio Augusto Guterres iha nia abertura hato’o agradese ba asosiasaun UFD ne’ebé kapasita ona joven lubuk ida oinsa bele haklean sira nia koñesementu no aprofunda nia l iha area edukasaun non formál.

Agradese ba esforsu tomak neebe UFD halo hodi kapasita joven lubuk ida oinsa haklean nia koinesimentu aprofundu nia profesionalidade ba area dominante sira neebe sai prioridade ba UFD hodi fasilita, kapasita no promove talentu ita boot sira nian“dehan PAM Antonio.

Entertantu reprezentante formadu Alcina Marques senti kontente tamba parte AUFD faselita ona kursu programa ingles,portugues administrasaun durante tinan ida nia laran.

Ami senti kontenti tebes ho sentru ida nee tanba bele fasilita ami tuir kursu oi-oin iha ne’e no husu ba estadu no governu loke kampu servisu para ami bele aplika matenek no esperiensia neebe ami hetan ona iha sentru ida ne’e”dehan Alcina.

Hola parte iha seminar nee, presidenti autoridade munisipiu Baukau, director SEFOPE, director CSEP, FPDTL, CNJTL, presidenti grupu traballu feto munisipiu Baukau, diretora asosiasaun UFD ho nia estrutura inklui formandu sira.(adg)

Jornalista: AG

Editór :Agus Guterres

Comment