by

UNIJMA/ATIVISTA PRO-RDTL Regiaun Baucau La Konkorda Planu Rehabilitasaun Aeroportu Baucau


Liu husi konferensia imprensa CPD-RDTL/Fretelin movimentu, UNIJMA/Ativista Pro-RDTL diresaun gerál dos kombatentes e veteranus (DIGCOV) regiaun Baucau la konkorda planu estadu no governo atu halo rehabilitasaun aero portu Baucau tanba ne’e husu ba xefe estadu Francisco Guterres Lu-Olo atuál Prezidente da Repùblika, Premeiru Ministru Taur Matan Ruak no veteanu da gerra atu hare’e didiak realidade Timor nian.

Kestaun ne’e hato’o husi porta voz CPD-RDTL/Fretelin movimentu, UNIJMA/Ativista Pro-RDTL regiaun Baucau Vitoriano de Jesus hateten, estadu no governo wainhira asina akordu ruma ho potensia estrangeira kona-ba hadia aeroportu Baucau,Viqueque, Lautem no fatin estratéjiku seluk sura ho portu maritime, estadu no governo tenke hare’e didiak Timor nia realidade katak Timor la iha avioens rasik ne’ebé bele garante navegasaun aerea,no mós seidauk iha kapasidade military naton hodi asegura RDTL nia soberania tomak husi lalehan tasi no rai.

Ami husu estadu tenke hare’e didiak atu hola desizaun hasoru ita nia ralidade rasik, ne’ebe perigosu tebes tamba postensia estranjeria balun ne’ebe interesadu los ba reabilitasaun, bele aproveita fali situasaun difisil ruma (Nasional ka Internasional) iha future, hodi apodera no instala nian baze military iha pontu estrategiku hirak ne’e”dehan porta voz CPD-RDTL/Fretelin movimentu, UNIJMA/Ativista Pro-RDTL regiaun Baucau Vitoriano de Jesus Sesta feira (18/9) iha eis sede CPD-RDTL vila-nova Baucau wainhira le’e karta komferensia imprensa.

Nia hatutan, ukun nain sira tenke hola desizaun ho balansu no la bele sadere ba potensia estranjeiru maibé tenke hola atensaun masima tamba RDTL hamrik nuda’ar Pais Naun alinhadu, amante da paz no la halo parte kualker bloku militar iha mundu inklui rekuza kualker baze military estranjeira iha nian solo Sagrado Patrio.

“Tanba ne’e ami husu ba estadu, diak liu konsentra atensaun ba fragata no helicopter-komando ne’ebe frente nian dirasaun hato’o dala barak tiha ona, atu bele asegura netik RDTL nian tasi, lalehan no rai, sasan hirak ne’e, tuir lolos, sosa tiha ona tanba Timor Leste nian kapasidade finanseira bo’ot husi fundu petroliferu. Maibe to’o ohin loron, sasan hirak ne’e seidauk sosa tanba ukun nain sira fakar liu fali osan ba salariu no vensimentu ezorbitante ba pensaun vitalisia, sosa kareta luxu no seluk tan hodi halo ema ne’ebe ukun goza no sai riku iha povu Maubere nian terus leten, duke seguransa RDTL nian tasi no lalehan ne’ebe mamuk hela”dehan portavos ne’e.

Konferensia imprensa ne’e hala’o iha eis sede CPD-RDTL vila-nova Baucau besik edifisiu tribunál distritál nia sorin, no hetan partisipa masimu husi membru UNIJMU tomak iha munisipiu Baucau.(af)

Jornalista :Abrão Freitas

Editór :Agus Guterres

Comment