by

Asidente Trafiku iha Suku Lavateri Hamate Ema Ida

Asidente kareta kijang ho sapa matrikula 21.715 TLS ne’ebé baku fila iha area Legena, suku Lavateri postu administrative Baguia rejulta vitama inisila JV idade tolu nolu resin lima mate fatin no nain ida kanek todan, nain hat seluk kanek Kaman.

Kestaun ne’e hato’o hosi komandante polísia munisípiu Baucau Superintendente Xefe Armando Monteiro hateten kornologia husi akontesementu ne’e akontese tamba kondutór ho inisiál OBP ne’ebé kondus kareta kijang tula pasajeirus sanolu resin ida ho kondisaun lanu no halai ho velosidade maka’as ikus mai lakon kontrola halai sai hosi estrada rejulta kareta baku fila.

Nia afirma iha akontesimentu ne’e akontese wainhira kondutor ho pasajeirus fila hosi bazar Bua-Gua atu fila ba Lavateri maibe kondutor ho kondisaun lanu halai kareta la domina bolante ikus hamosu asidente fatal halo pasajeiru sanolu resin ida, balun kanek Kaman, kanek todan no nain ida mate fatin, I husi nain sanulu resin ida, nain hitu transfere ba sentru saude Baguia nain tolu lokraik transfere mai HoREX enkuantu nain ida ne’ebé mate lori ba matebian nia moris fatin.

Kareta ne’e tula pasazeiru husi area Bua-gua atu fila ba Lavateri hafoin to’o ba Lavateri kondutor halai velosidade ferigozu, alkolik mos, entaun ho situasaun ida ne’e nia la domina kareta no Estrada rezulta asidente hakanek ita nia populasaun nain 11, ida ho inisial JV idade 35 anos husi Ledana suku Lavateri fatal liu tanba lakon vida, I ida ne’ebe lakon vida familia lakohi autoriza atu halo autopsia tanba ne’e entrega kedas ba familia hodi halo prosesu funevre” dehan komandante PNTL Munisipiu Baukau superintendente xefe Armando Monteiro ba Radio Komunidade Baucau Sesta feira (18/9) iha nia knar fatin.

Komandante esplika hafoin akontesimentu kondutor kareta ho inisial OBP halai lakon hosi asidente trafiku ne’e no iha Kinta feira kalan tuku sia ho balun mak polisia konsege kaptura iha area Lalulai no dadaun ne’e iha hela sela detensaun polisia munisipiu hodi submete ba prosesu investigasaun.

Hafoin akontesimentu ita nia komunidade iha area ne’eba komunika kedas ita nia eskuadra Baguia mai halo atendimentu no servisu hamutuk ho mediku sira fo asistensia no evakua vitima sira ba sentru saude Baguia, depois suspeitu kondutor halai ses husi faktus no ita identifika ninia identidade no lokaliza hodi kalan tuku sia mak ita kaptura iha area Lalulai nian no ohin loron iha hela sela detensaun polisia nian hodi submete ba prosesu investigasaun”dehan komandante Armando.

Iha tempu hanesan xefe departementu sala emerjensia HoREX (Hospital Regional Eduardo Ximenes Baucau Umbelina de Almeida hateten vitima hosi asidente tranzitu kareta baku fila iha suku lavateri nain ida mak transfere ona ba HNGV atu halo kontinuasaun tratamentu tamba HoREX Baucau la iha sala ICU no nain hat seluk kontinua baixa iha sala emerjensia atu hetan observasaun hosi mediku sira.

Nain sia ne’e iha ida mak kanek grave ho diagnostiku trangabelico tanba iha ita nia hospital ne’e ICU la iha entaun ita ni dotor sira halo deslokasaun ba Dili horseik lokraik I nain hat seluk observasaun hela iha ne’e no evalua fila fali sira nain hat nia kondisaun kuandu diak haruka fila fali ba sira nia uma, maibe sira hare mak vitima sira ninia kondisaun seidauk diak kontinua baixa iha hospital”dehan Umbelina

Entertantu vitima JV idade tolu nolu resin lima ne’ebe lakon vida la konsege lori ba fasilidade saude atu halo autopsia tamba familia rejeita atu lori ba fasilidade saude.(adg)

Jornalista: AG

Editór:Agus guterres

Comment