by

Igreija Rekomenda Autóridade Munisípiu Atu Ajusta Paz no Dame Molok Atu Tama Iha 12 Novembru

Padre paroku Santo Antonio Baucau Vila Manuel Ximenes ba Jornalista Radio Comunidade Lian Matebean Baucau quarta feira nee hateten parte igreija rekomenda ba autóridade sivíl no militár Munisípio Baucau atu ajusta paz no dame molok atu tama iha loron boot 12 de novembru tinan nee enkuantu kestaun nee aprejenta iha enkontru siguransa nian entre autóridade sivil no militar inklui igreija iha salaun VIP munisípiu Baucau.

Padre Manuel afirma molok atu tama 12 de novembro autóridade siguransa no autoridade sivil kria aktividade hanesan seminario , sosializasaun lei sira ba joven sira liu –liu artemarsiais sira kada postu ida nain rua nolu atu nune sira kria paz no estabilidade hodi hein loron joventude nian iha loron 12 fulan novembru tinan nee.

relasiona ho situasaun nebe mak akontese iha fatin fatin nia parte husu ba politika nain sira lider sira labele politija joven sira hodi kria konflitu hela deit maibe buka dalan oinsa atu kria paz no estabilidade iha nasaun no iha kada ida-idak nia municipio rasik.

“hau hakarak husu deit ba lider sira katak buat ida laos diak ba rai ida ne’e no komunidade nia moris hau hein katak ukun nain sira kbi’it foti desizasaun ho konsienasia ida ne’ebe mos i hau mos apelu ba lider hotu iha rai ida ne’e la bele politiza joven sira atu povu ida ne’e la bele terus tan populasaun sira”Padre Paroku Santo Antonio Baucau Manuel Ximenes (08/09) Iha Salaun VIP Munisipiu Baucau.

Padre paroku mos husu ba autoriadade suco sira nafatin kopera ho autoridade siguransa iha municipio too iha postu administrative sira wanhira joven sira mak kria konflitu iha suco laran nafain fo informasaun ba siguransa sira atu prosesa tuir lei nebe mak iha. (fvb)

Jornalista : Feliciano Venancio Belo

Editór : Agus Guterres.

Comment