by

Deskonfia Suspetu Involve Kazu Sunu Uma Iha Suku Nunira Hakat Liu Fronteira Timor Leste


Komadante Polísia Nasional Timor Leste Munisípiu Baucau Superintendente Xefe Armando Moteiro hato’o kestaun ne’e, hafoin remata enkontru ho autóridade munisípiu no Administradór sira iha salaun VIP munisípiu Baucau ba jornalista sira Kuarta Feira ne’e hateten, akontesimntu kazu sunu uma entre juventude iha Suku Nunira Postu Adminitrativu Laga iha loron sanolu resin tolu fulan agustu tinan ne’e suspetu ida deskonfia hakat liu fronteira Timor -Leste.

Nia afírma dadaun ne’e suspeitu nain haat hetan ona aprezentasaun periodíka, enkuantu nain rua seluk hetan prizaun preventiva no nain rua tenta hases an hosi aktus ne’ebé sira halo, maibe ba kestaun ne’e parte polísia kontinua halo kordenasaun komunikasaun servisu sekreta ikus mai konsege kaptura suspeitu refere no no agora dadaun suspeitu iha hela dalan mai Baucau, ida seluk ses an hosi area jurídiku Baucau nian no deskonfia hakat liu fronteira.

kazu sunu uma iha Nunira iha loron sanolu resin tolu fulan agustu liu ba prosesu la’o tiha ona PNTL suspeita ema lubuk ida prosesu investigasaun kontiua la’o nain hat submete ona iha nain hat ne’e nain rua aprezentasaun periodika no nain rua seluk prizaun preventiva i nain rua seluk mak tenta ses husi aktus sira ne’ebe halo no hodikalan tuku sanolu resin rua kordenasaun komunikasaun servisu hamutuk ho ita nia servisu sekreta deskobre nia lokalidade ita kaptura agora dadaun iha dalan ona lori fila mai baucau, ida seluk deskonfia nia halai ses husi ita nia area juridiku munisipiu baucau i deskonfia bele hakat liu fornteira” Dehan Komadante Polísia Nasional Timor Leste Munisípiu Baucau Superintendente Xefe Armando Moteiro (09/08) iha salain VIP Baucau.

Maske suspeitu seidauk deskobre ho lolos, maibé parte polísia sei nafatin halo kordenasaun no komunikasaun servisu hodi kontinua buka tuir suspeitu ne’ebé deskonfia halai sai hosi fronteira.(adg)

Jornalista : AG

Editór :Agus Guterres

Comment