by

Vítima Konfrontu Suku Triloka Transfere ona ba HNGV


Vitima konfrontu suku triloka ho inisiál AB idade rua nulu resin sia transfere ona ba Hospitál Nasionál Guido Valadares tamba matan fuan nakles inklui matan fuan okos hetan kanek todan ne’ebé tuda husi ema deskoinesidu iha domingu semana foin lalais .

Kestaun ne’e hato’o hosi Tekniku Matan Hospitál Rejionál Eduardo Ximenes Baucau Laurinda Guterres ba jornalista sira tersa feira ne’e hateten hafoin transfere vitima ba Hospital Nasional Guido Valadares Dili, vitima mai ho kondisaun kanek todan iha matan parte los tamba hetan tuda ho fatuk iha akontesimentu konfrontu iha suku triloka ne’e, to’o rezulta vitima AB nia matan konjuntuva nakonu ho ran no nia matan iris prolapsia hodi afeita ba vista halo vitima la bele hare no iha posibilidade bele akontese matan delek.

ami simu pasiente mane naran inisial AB ho idade rua nolu resin sia ne’ebe mai ho trauma tamba afeta mkona nia matan tamba hetan pankada husi fatuk entaun halo ninia matan grave tamba nia matan ida konjuntiva ne’e ran nakonu depois nia matan besik nia unus ne’e kanek halo nia matan iris prolaps entaun afeta ba matan vista entaun nia labele hare’e no nia hetan trauma tamba hetan pankada halo nia tensaun matan sai,iha moras ne’e ami tau nia diagnosa nia iha pos trauma tumpul” Tekniku Matan Hospitál Rejionál Eduardo Ximenes Baucau Laurinda Guterres(8/9

Nia hatutan hafoin vitima hetan tiha tratamentu husi HoREX Baucau transfere kedas vitima ba HNGV Dili tamba la iha doutor espesialista no fasilidade matan atu halo operasaun ba vitima refere iha hospital rejional Eduardo ximenes baucau.

“ho nia laseransia ami hamos didiak hotu ran sira ami fo deit ai moruk no taka didiak nia matak kanek ne’e ami haruka pasiente ba dili tamba iha ne’e menus fasilidade no la iha dotor espesialidade matan nian entaun domingu ne’e ami trafere kedas ba dili atu bele hasoru dotor espesialista tamba nia matan grave tenke halo tratamentu iha dili para dotor sira fo atendementu loro-loron” Laurinda

Tuir imformasaun Xefe Suku Triloka Alexandre da Costa hateten iha akontesimentu ne’e uma komunidade walu hetan estragus tamba tuda husi grupu deskoinesidu ataka malu halo vidru uma nian barak mak rahun inklui kalen uma nia kakauluk balun kuak,enkuantu parte autóridade suku halo ona identifikasaun ba uma walu refere maibé xefe suku rasik seidauk hatene akontesimentu estraga vidru uma nian tama iha parte departamentu prevensaun imformasaun dezastre nian ka lae.

Iha konfrontasaun tuda malu ne’e rezulta ema nain tolu hetan kanek nain rua kanek kman no nain ida hetan kanek todan iha parte matan ne’ebe tranfere ona ba HNGV dili enkuantu rua seluk la halo tratamentu saude.

“akontese iha suku triloka iha loro lima ne’e ema deskonesidu hotu asalta malu rezulta uma uma walu hetan estragus hanesan vidru rahun no kanek ema nain hat no sira ba ona presta deklarasaun iha komadante eskuadra baucau vila,iha grupu deskonesidu rua tuda malu ne’e nain tolu no nain ida sira iha aeroportu tun mai ho motor mak akontese ema tuda no iha kondisaun uma ne’ebe estrga ne’e mak la hanesan balun vidru mak rahun no balun kalen, uma sira ne’ebe ema deskonesidu estragus seidauk hetan ajudus ruma no sei iha prosesu nia laran tamba hau nuandar autoriedade hau seidauk hatene prosesu ida ne’e atu fo hatene ba parte departamentu prevensaun imformasaun dezastre nian atu troka fali vidru sira ne‘e ka lae ou koalia tuir familia mak hadia fali uma ne’ebe estraga nia prosesu hau seidauk hatene” Alexandre.

Iha konfrontasaun ne’e parte polisia eskuadra baucau villa bolu kedas autór nain sanulu resin rua ba presta deklarasaun, hafoin halo tiha presta deklarasaun autór sira haruka fila ba ida-idak nia uma,entertantu parte jornalista seidauk hetan imformasaun husi parte polisia tamba komadante Polisia Munisípiu Baucau halao hela servisu iha dili,

Entertantu situasaun iha area triloka lao ho kontroladu tamba hetan apoiu seguransa hosi PNTL Munisípiu Baucau. (cp)

Jornalista : Calistro Pereira

Editór Agus Guterres

Comment