by

Uma Komunidade Haat Hetan Estragus Iha Suku Samalari


Anin boot ne’ebé akontese iha fulan kotuk to’o agora rezulta estraga ona uma komuidade haat iha aldeia Osoluga no Sorulai suku Samlari postu administrative Baucau Villa munisípiu Baucau iha fulan agostu no setembru tinan ne’e.

Kestaun ne’e hato’o husi Xefe Suku Samalari Rui Gertude Magno Siqueira liu husi via telefone ba jornalista sira hateten entre uma haat ne’e uma rua anin sobu iha loron rua nulu resin walu fulan agostu no uma rua seluk anin sobu iha loron rua fulan setembru.

Nia afírma vitima rua ne’ebé anin sobu iha fulan kotuk simu ona apoiu emerjensia husi departamentu prevensaun imformasaun ba dezastre naturais munisípiu Baucau no vitima rua seluk ne’ebé anin sobu iha loron rua fulan setembru kompostu husi Domingos Fraga no Cipriano Marcal tuir planu sei simu apoiu emerjensia iha kinta feira semana ne’e.

“iha umakain hat mak ani sobu sira nia uma umakain rua anin sobu iha loron rua nolu resin walu fulan agusto no rua ani sobu iha lorn rua fulan setembru uma hat ne’e uma tolu husi aldeia sorulai no ida aldeia osoluga iha uma rua mak hau indika ona ba sosial no simu ona apoiu emerjnsia no rua seluk ne’ebe anin sobu iha loron rua ne’e kinta hanesan ne’e mak sira tuir ba foti ajuda emerjensia, uma anin sobu iha sorulai familia tolu hanesan Alexo Fraga familia uma laran nain tolu fen oan no laen, no ida sergiu ximens fraga familia nain lima no domingus marsal ne’e moas oan nain tolu inklui nia inan no aman no husi aldeia osoluga mak siprian marsal nia fen mate ona no nia oan sira hola mane hotu ona ne’ebe nia mesak iha uma mak anin sobu tiha nia uma” Dehan Xefe Suku Samalari Rui Gertude Magno Siqueira (08/09) liu husi via telefone.

Aleinde ne’e Xefe Departamentu Prevensaun Imformasaun Dezastre Naturais Munisipiu Baucau Nelson Abilio Nunes hateten dadus anin sobu uma rua husi suku Samalari aldeia osoluga no sorulai mak iha ona nia liman hodi hein deit atu fo apoiu sasan emerjensia.

“iha semana ida kotuk iha loron rua akontesementu anin sobu uma rua iha suku samalari aldeia sorulai postu baucau vila ne’ebe anin sobu uma, iha uma ida familia walu mak iha laran no uma ida iha familia rua ita sei fo ajudu emerjensia ba uma rua hotu maibe nia prosesu rekoperasaun ita sei hare’e nia klasifikasaun no kriteria bele prosesu ka lae depois verifikasaun mak ita hatene” Dehan Rui.

Dadaun ne’e vitima hirak ne’e kontinua hela iha sira nia uma tamba kuartu balun ne’ebe sei diak maibe seluk anin sobu estrga totál.(cp)

Jornalista : Calistro Pereira

Editòr :Agus Guterres

Comment