by

Eskola EBC 01 Tirilolo Baucau Hahu Prepara Pontus Exame Ba Segundu Periodu

Diretor Eskola Ensinu Báziku Sentrál 01 Tirilolo Baucau Vicente Marsal da Silva iha nia kna’ar fatin kuarta feira ne’e hateten, tuir kalendáriu husi edukasaun estabelese ona exame segundu periodu hahu iha loron hitu to’o loron sanulu resin rua fulan setembru tinan ne’e, tamba ne’e Eskola Ensinu Baziku Central 01 Tirilolo Baucau hahu prepara ona Pontus exame segundu periodu ba estudante primeiro ano to’o terseiru ano hodi hakat ba ezame tuir kalendariu hosi ministériu edukasaun fó sai
Nia afírma Pontus exame ne’ebé prepara ba estudante terseiru ano iha eskola refere kada disiplina fo perguntas folha exame numeru atus ida rua nulu, enkuantu ba materia exame nasionál hanesan lingua portugues,ingles,matematika inklui siênsia físika no naturais estudante terseiru ano sei prense folha exame tahan rua, hodi iha preparasaun masimu ba estudante sira atu hakat ba ensinu sekundáriu ho diak.

preparasaun ne’e ami inisia ho reuniaun no ami sei ezame tuir kalendariu ne’ebe ministeriu edukasuan estabelese ona iha dia sete to’o dia doze, na nonu ano ami fo sentu vinte numerus folha de ezame ne’e, folha ezame nasional nian ami tenki buka para alunos sira ezame ne’e uza folha resposta tahan rua ne’e ba material sira ne’ebe ba ezame nasional nian” Diretor Eskola Ensinu Báziku Sentrál 01 Tirilolo Baucau Vicente Marsal da Silva (02/09) iha nia kna’ar fatin kuarta feira ne’e ba Radio Comunidade Lian Matebian Baucau

Diretor ne’e akresenta relasiona ho surtu Covid-19 ne’ebe durante prosesu ensinu aprendisajem paradu durante fulan barak maibe nia parte nafatin konvoka ho mestri sira iha eskola refere hodi distribui livru no prepara halo resumu ba kada materia hodi distribui ba estudante sira

“ami mos fahe livru sira ne’ebe ezistente iha eskola ne’e ami fahe hotu ba alunos sira, primeiru ano segundu ano no terseiro ano ami fahe hotu no estudante sira mos durante ne’e asesu eskola ba uma liu husi media sira fo sai” Dehan Vicente

Entertantu mestri sira ne’ebé dadaun ne’e hanorin iha eskola ensinu báziku sentrál 01 Tirilolo Baucau hamutuk haat nulu resin lima no estudante primeiru ano to’o terseiru ano atu tuir exame hamutuk atus hitu haat nulu resin rua.(nb)

Jornlista :Nàzario Bento

Editór Agus Guterres

Comment