by

Anin Sobu Uma komunidade iha Suku Gurusa


Xefe Suku Gurusa Filomeno Mendonҫa liu husi via telephone ba Jornalista sira kuarta feria ne’e hateten dezastre naturais anin bo’ot ne’ebé akontese iha loron rua nulo resin lima to’o inisíu fulan setembro tinan ne’e, rezulta uma komunidade ha’at hetan estragus naton iha Suku Gurusa Postu Administrativu Queliqai Munisípiu Baucau.

Nia afírma uma ha’at ne’ebé hetan estragus ne’e pertense ba xefe família Elvinio Mendonҫa,Agustino Soares Mendonҫa, António Correia no Lino Gaio.

uma ha’at mak hetan estragus natoon , iha aldeia lakulela nia ida, aldeia faewa uma rua, no aldeia sae bere uma ida , husi xefe da familia elvino mendonҫa,agustino soares mendonҫa,Antonio correia no lino gaio iha loron rua nulo resin hitu fulan agusto” Dehan Xefe Suku Gurusa Filomeno Mendonҫa (02/09) liu husi via telephone ba Jornalista Radio Komunidade Lian Matebean

Nia hatutan nia parte relata ona dadus vítima anin bo’ot ba Dirasaun Risku Dezastre Naturais Munisípiu Baucau maibé uma tolu mak parte autóridade lokál seidauk entrega dadus ba iha munisípiu tamba dokumentus seidauk kompletu.

dadus vitima anin bo’ot nia ne’e ami relata ona ba iha dirasaun risco dezastre naturais munisipio baucau maibe tolu seluk mak seidaun tamba dokumentus seidauk kompletu” Dehan Filomeno

Enkuantu dadaun ne’e anin ho velocidade kontinua maka’as, possibilidade bele estraga tan uma no plantasaun komunidade nian.(fvb)

Jornalista :Feliciano Venancio Belo

Editór Agus Guterres

Comment