by

Ri’in Eletrisidade 11 Hetan Estragus hosi anin Boot iha Vemase Tasi

Xefe Suku Vemase Tasi Sergio Miguel Luis Guterres  hateten Ri’in eletresidade sanolu resin ida ne’ebe hetan estragus hosi anin boot iha aldeia Lor suku Vemasse tasi postu administrativu Vemase la   fó impaktu ba komunidade sira ne’ebé iha aldeia refere maibé fó impaktu deit ba energia eletrisidade, mate durante oras sia nia laran hahu hosi tuku ida to’o tuku sia kalan hafoin lakan fila fali.

Akontesementu anin bo’ot iha loron Sabadu semana kotuk ne’e  konsege estraga fasilidade públiku hanesan ai ri’in eletrisidade sanulu resin ida no travu balun, iha tuku ida meu dia OTL, maibé parte servisu EDTL konsege normaliza energia eletrisidade iha oras balun nia laran.

Nia afirma hafoin akontese parte tekniku servisu EDTL munisípiu Baucau  halo kedas atendimentu  urujente hodi normaliza fila fali energia eletrisidade ba komunidade sira iha aldeia refere, hahu tuku tolu ho balun no dadaun ne’e parte tekniku halo hela  identifikasaun ba ai ri’in eletrisidade ne’ebé hetan estragus hosi anin boot, tuir nia laos airi’in mak la iha kualidade maibe dezastre ita hotu la espera.

“Haul bele dehan air in eletresidade tohar ne’e tanba la iha kualidade ka iha kualidade tanba ema hotu-hotu halao servisu tuir ida-idak nia estandar servisu ne’e kan iha tiha ona, buat natureza ne’e ita la hatene agora ita koalia estandar operasional proseduer ne’e mak dala ruma la tuir ne’e mak natureza bele sobu ne’e”dehan xefe suku Vemasse Tasi Sergio M. L. Guterres ba Radio Komunidade Lian Matebean Baucau Tersa feira (1/9) liu husi via telephone.

Iha tempu hanesan bainhira jornalista sira halo konfirmasaun ba diretur servisu  EDTL munisipiu Baucau maibe la iha fatin tamba sei halao servisu iha nasional.

Comment