by

Xefe Família 300 Infrenta Menus Be’e Mo’os iha Suku Abafala


Populasaun xefe família atus tolu resin iha suku Abafala postu administrative Queliqai Munisípiu Baucau tempu bai loron sempre infrenta problema be’e mos tamba torneira be’e mos ne’ebé dada husi Cruz Vermeila Timor Leste iha tinan hirak ba kotuk hetan estragus hosi dezastre rai halai.

Kestaun ne’e hato’o husi Sefe Suku Abafala Josefa de Oliveira ba jornalisa sira hateten, kuandu tama ona tempu bai loron populasaun sempre infrenta problema menus be’e mos tamba be’e matan temporariu sira ne’ebé iha maran hotu.
Nia afírma situasaun ne’e obriga komunidade tenki lao ain ho distansia kilo metro rua to’o tolu ba kuru be’e mos iha mota Boro-Uai nian, enkuantu parte autóridade suku hato’o ona karta pedidu ba parte kompetetene maibé to’o agora seidauk hetan reposta ruma husi parte kompetente sira”Dehan xefe suku Josefa de Oliveira (31/08) liu Hosi via telefoni.

Iha sorin seluk komunidade Suku Abafala Celestino Tolentino Ximenes Aldeia Asaluci hateten, durante ne’e sira sempre hetan problema menus be’e mos iha tempu bailoron, no situasaun ne’e halo komunidade tenke sosa be’e husi Baucau ho folin dollar haat nulu kada karreta tanki ida, enkuantu komunidade ne’ebé la iha ekonómia finanseiru sira kontinua lalin zeriken ba kuru bee iha mota boru wai ho distanasia ne’e’bé do’ok.

Problema iha ami nia desa ne’eba mak problema be’e ne’e, ami populasaun atu uza ne’e ho ninia volume debit ne’ebe ami uza hamutuk aldeia lima, maibe tempu udan ne’e be’e matan ne’e barak maibe tempu bai loron ne’e be’e la iha ona,be’e matan ne’ebe agora ami uza dadauk ne’e hanesan osolari ne’e deot, be’e matan seluk seluk ne’e agora maran hotu,atu ba be’e matan ne’e aldeia acaluci no etela ne’e dook,dala ruma be’e la ihaami tenke ser hola be’e iha baucau mak sae ba,tanki mak sae ba kada tanki ida mak empat puluh dolar ami uza ba fulan ida” dehan Celes.

Suku abafala total xefe família hamutuk atus tolu kompostu husi aldeia Te’ela, Carno,Asaluci no Mumana.(adg)

Jornalista: Ag

Editór : AgusbGuterres

Comment