by

Pe. Manuel Ximenes: Povu Barak seidauk Asesu ba Nesesidade Báziku

Amo Parokia St. Antonio vila-antiga padre Manuel Ximenes SDB hateten, hanesan amo parokia durante ne’e vizita ona populasaun sira iha baze, hetan povu barak sei moris kiak, uma sei tali tahan, be’e mo’os la iha, Estrada la diak, linia eletresidade no seluk tan.

Iha nia omília amo selebrante missa agradesimentu ba loron komemorasaun konsulta popular dala XXI iha igreija katedral Baucau padre Manuel Ximenes SDB hateten maske ukun an to’o ona rua nulu resin maibé povu barak sei moris iha mizeria nia laran tanba povu barak seidauk hetan asesu ba nesesidade bázika.

Buat ne’ebe hau nia observasaun maka ida ne’e, to’o oras ne’e los duni ita ukun rasik an ona maibe povu barak seidauk senti katak rai ne’e hau nian, rekursu naturais ne’e hau nian tanba ita seidauk tama iha sira nia situasaun ka sira nia realidade moris nian, katak povu barak sei moris kiak tanba fatin barak ne’ebe ami ba vizita laos kiak maibe mizeria, la iha be’e mo’os, barak toba latan deit iha rai, uma sei tali tahan barak, maske Timor-Leste iha osan miloens ba biloens kompara povu iha um milaun deit maibé la bele hetan apoiu ida ne’ebe diak”dehan amo Manuel Ximenes SDB Domingo (30/8) hafoin remata perzidi missa loron konsulta popular bad ala XXI.

Amo parokia hateten liu husi refleksaun komemorasaun loron konsulta popular ba dala 21 laos ba deit povu ki’ik no kiak maibé ulun nain sira mós tenke halo refleksaun katak saida mak ulun nain sira halo ba nia rain no ba nia povu.
Amo Manuel esplika ho komemorasaun ne’e hatudu ba Timor oan sira no fó hanoin atu ema hotu-hotu atu halo refleksaun, refleksaun ida ne’ebé tenke bazéia ba moris no hotu-hotu senti sai nain ba rai no nain ba ukun rasik an ida ne’e.

Ne’eduni buat ne’ebe hau nia observasaun maka ida ne’e, to’o oras ne’e los duni ita ukun rasik an ona maibe povu barak seidauk senti katak rai ne’e hau nian, rekursu naturais ne’e hau nian tanba ita seidauk tama iha sira nia situasaun ka sira nia realidade moris nian”dehan amo parokia ne’e.

Husi sorin seluk Presidenti Autóridade Munisípiu Baucau Antonio Augusto Guterres iha nia refleksaun hateten 30 de Agostus mundu tomak hatene Timor-Leste ohin loron selebra loron istoriku ida liu husi Timor oan tomak ninia sakrifika an ho komitementu forte kontribui ninia votus sai fatór determinante ba ukun rasik an.

Ohin ita metade ida ne’ebe halibura hamutuk iha ne’e reprezenta sira hodi komemora loron importante ida ne’e, ema barak no ita hotu kontenti katak festa ida ne’e festa popular, festa povu nian, maibé realidade lao tina-tinan povu la partisipa tanba ita infrenta hela situasaun orsamentu tanba ne’e hahu husi munisípiu to’o postu la realize”dehan PAM Antonio.

Entertantu Presidenti Komisaun Organizadora dia nasionais munisípiu Baucau Pedro A. G. Pereira hateten atividade komemorasaun ne’e hala’o tanba hetan kontribuisaun husi intidade públiku no pribadu nian ho orsamentu hamutuk dolar amerikanu rihun ida atus hat ualu nulu kompostu husi dolar atus lima husi munisipiu no dolar atus sia ualu nulu husi parseiru sira.

Tuir observasaun jornalista nian nota katak hafoin missa agradesimentu remata autóridade sivíl no militar inklui veteranu moviliza malu ba Ossoario Fatumaka hodi kari aifunan.

Hakarak informa seremonia komemorasaun loron konsulta popular dala rua nulu resin ida la iha partisipasaun populasaun nian, maibé so partisipa deit husi instituisaun estadu nian.(adg)

Jornalista : AG

Editór : Agus Guterres

Comment