by

Filipi : Husu CVTL forsa nafatin hodi Responde Problema Dezastre Naturais


Kordenadór Gabinete Premeiru Ministru ba Asuntu Sosiadade sivíl Filipi da Costa iha nia diskursu enseramentu refresing traning membru DDMC husu CVTL forsa nafatin hodi bele responde problema dezastre naturais inklui problema sosiál balun ne’ebé sosiadade Timor infrenta iha baze.
Nia afírma sosiadade Timor Lesste kontinua fírmi hamutuk ho Estadu Timor Leste liu hosi mobiliza voluntariu sira inklui sosiadade sivíl rasik ajuda governu ba Timor Leste ne’ebé haksolok.

Cruz vermelha no sosiedade sivil tomak ita hakarak sai instituisaun ida ke forte atu nune’e problema iha ita nia rai liga dezastra naturais nian sira bele faselita liu husi treinamentu ka mobilizsaun atu ita bele responde ba problema sira ne’e no sosiedade sivil mos ajuda governo rezolve problema nasional liu-liu mobiliza malu atu sosiedade timor-leste bele haksolok” Dehan Kordenadór Gabinete Premeiru Ministru ba Asuntu Sosiadade sivíl Filipi da Costa iha nia diskursu enseramentu refresing traning membru DDMC (28/08) iha salaun CVTL filiál Baucau.

Iha tempu hanesan prezidente CVTL Filial Baucau Jose do Carmo Pinto hateten CVTL sai nuda’ar parseria ba guvernu liu-liu iha area umanitaria nian ne’ebé durante ne’e hala’o no espera servisu hamutuk ne’e kontinua ba oin.

aktividade kruz vermeila sempre hala’o sai nundar parseria ba governo liu-liu iha area umanitária ninian ne’ebé durante ne’e ami hala’o no ami espera ba oin ita nia servisu hamutuk la’o diak no ami mós sei presiza buat lubuk ida ami sei husu ba governo no dere odamatan nafatin tamba ami hare’e ita nia komunidade barak mak sei vulneravel liu” Dehan Jose.

Entertantu reprezentate Prezidente Autóridade Munisípiu Baucau Maria Celestina Viegas hateten husu ba membru DDMC ne’ebe hetan ona refresing traning ba oin atu kontinua nafatin halo lina kordensaun diak ho parte hotu hodi responde situasaun emerzensia iha terenu .

husu ba membru DDMC sira hotu oinsa mak apoiu nafatin buat hirak ne’ebe ita hetan husi formasaun ne’e liu-liu oinsa atu responde emerjensia iha situsaun dezastre nian,durante ne’e mos membru DDMC servisu kapas tebes tamba ho kordenasaun servisu tamba ne’e hau hanesan reprejentante prejidente autorieadade husu nafatin ba apoiu gabinete primeiru ministeru asuntu sosiedade sivil atu bele kapasita nafatin liu-liu ba membru DDMC sira hotu atu sira bele servisu diak liu tan hodi fo apoiu nafatin wainhira iha situasaun emerjensia iha munisipiu baucau sira prontu nafatin ba srvisu responde emerjensia nian” Dehan Celestina.

Iha ceremonia enseramnetu ne’e kordenador gabinete premeru ministru ba asuntu sosiadade sivíl kompromete sei apoiu nafatin CVTL inklui sosiadade sivíl sira seluk (adg)

Jornàlista: Abrão Freitas

Editór :Agus Guterres

Comment