by

Uma Rua Ahi Han Iha Suku Tekinomata Aldeia Itidao


Uma hela fatin komunidade nian rua ahi han iha aldeia Itidao suku Tekinomata postu administrativu Laga Kuarta feira tuku hat lokraik tanba kauza husi anin bo’ot halo sirkuit fiu eletresidade konslet hodi rejulta ahi han uma rua no dapur ida tanba uma refere halo ho tali tahan.

Kestaun ne’e hato’o hosi xefe suku Tekinomata Cipriano Arlindo Ximenes hateten fiu eletrisidade prejudika ba uma rua aproveita anin bo’ot ikus mai ahi han uma rua inklui dapur ida no sasan uma laran la iha ida hetan salva.

Los duni akontesimentu akontese ahi han iha aldeia Itidao tuku hat lokraik kuaze uma hela fatin rua no dapur ida mak preujudika husi ahi eletresidade tanba anin bo’ot halo fiu eletresidade sirkuit to’o ahi han uma tali rua motuk total”dehan xefe suku Tekinomata Cipriano A. Ximenes ba Radio Lian Matebean Baucau Kuarta feira (27/8) liu husi via telephone.

Nia afírma uma rua ne’ebé ahi han mai hosi xefe familia uma kain rua ne’ebé kompostu hosi uma ida xefe família nain ne’en no uma ida seluk xefe família nain rua.

Cipriano esplika uma rua ne’ebé ahi han la iha sasan ida mak hetan salva hanesan hare,batar, sasan uma laran inklui osan rihun ida atus lima tanba uma rua refere halo ho tali tahan ne’ebé fasil ahi han lalais no la konsege hetan salva enkuantu vítima hirak ne’e hetan evakua hosi autoridade lokál ba familia sira.

Xefe suku ne’e afírma dadaun ne’e nia parte foti hotu ona dadus hosi vítima sira no aprezenta ona ba adminitradór postu adminitrativu Laga hodi kontinua aprezenta mai solidaridade social munisipiu atu hetan ajudu emerzensia.

Iha tempu hanesan xefe departamentu ba prevensaun informasaun dezastre naturais munisípiu Baucau Nelson Nunes hateten, nia parte simu ona dadus husi postu administrative Laga no perpara ona sasan apoiu emergensia hahan no laos aihan atu entrega iha loron Sesta feira.

Ita perpara ona sasan komesa aban ita tun ba terenu hodi fo apoiu sasan emergensia hanesan aihan no lao aihan ba xefe familia hat, rua ahi han iha suku Tekinomata no uma rua anin sobu iha postu administrative Baucau vila, ida iha suku Samalari no ida seluk iha area Kaisido suku Tirilolo”dehan Nelson. (adg)

Jornlista: AG

Editór : Agus Guterres

Comment