by

CVTL Filiál Baucau Realiza Refresing Traning ba membru DDMC


Cruz Vermela Timor –Leste filial Baucau realiza refresing Treining ba membru DDMC (Distric Dezastre Management Community) hanesan parte ida atu fó hanoin fila fali ba membru sira kona-ba responde emerjensia wainhira hala’o atendementu dezastre iha terenu.

Lia hirak ne’e hato’o hosi reprezentante sekretariu jeral CVTL nasionál Agapitu da Silva iha nia abertura hateten refresing treinamentu ne’e hala’o bazea ba proposta hosi inisiativa CVTL Filial Baucau ho objetivu oinsa atu eleva koinesementu no kapasidade membru DDMC sira nian.

Nia Afírma, aktividade refresing treining ne’e hetan apoiu finanseiru husi governu liu husi gabineti premeiru ministru ba sosiadade sívil ho montante osan dolar rihun rua hodi halao atividade treinamentu hahu hosi prosesu preparasaun to’o treinamentu realize ba loron tolu.
Ita nia treinamentu ba iha responde emergensia ne’e rasik importante liu mak oinsa eleva diak liu tan ita nia kapasidade, I informasaun ne’e dala ruma ita hetan ona maibe dala barak ita preukupasaun ho servisu barak ita haluha entaun ho treinamentu ne’e hanesan refresing training fila fali”dehan reprezentante sekretariu jeral CVTL nasional Agapito da Silva iha nia abertura ba partisipante sira Kuarta feira (26/8) iha salao CVTL filial Baucau.

Iha tempu hanesan reprezentante prezidente autoridade munisipiu Baukau Nelson Nunes hateten refresing treinamentu ne’e importante ba membru DDMC sira atu nune’e bainhira tun ba terenu responde situasaun emerzensia ruma lao ho komando ida deit atu nune’e la bele difikulta malu iha terenu.

“Formasaun hanesan ne’e balun tuir tiha ona bainhira ita nia parseiru IOM halao, I ba dadaun ne’e hanesan ita halao reflesaun atu nune’e ita hotu-hotu iha koinesimentu hanesan molok ita ba terenu”dehan Nelson.
Entertantu prezidente CVTL filial Baucau Jose do Carmo Pinto husu membru DDMC sira ne’ebé partisipa refresin treinamentu ne’e atu partisipa ho seriu para kadi nafatin hodi nune’e iha koinesementu bainhira tun ba terenu halo asaun ne’ebe ho rapidu.

“Refresing training ne’e hanesan ita koko atu kadi nafatin ita nia koinesimentu diak liu tan atu nune’e halo asaun ida ne’ebe ke rapidu, asaun ida ne’ebé ke diak no asaun ida ne’ebe justu”dehan Jose

Refresing trening ne’e halao durante loron tolu hahu hosi Kuarta feira to’o Sesta feira iha salaun CVTL filial Baucau, ne’ebe partisipa masimu hosi membru DDMC.(cp)

Jornaista : Calistro Pèreira

Editór : Agus Guterres

Comment