by

Plan Internasionál Distribui Materiál Prevensaun Covid-19 Ba Eskola Sia Nolu Resin Nen iha Baucau

Plan Internasionál hamutuk ho Autóridade Munisípiu distribui materiál prevensaun covid-19 ba eskola ensino báziku primeiro, Segundo no terseiro siklu hamutuk sia nolu resin nen iha Munisípiu Baucau.

Kordenadór plan internasionál Timor Leste jose Antonio da silva ba jornalista sira segunda feira ne’e hateten materiál prevensaun covid -19 ne’ebé distribui ba eskola sira iha item sanolu resin ne’en mak hanesan termu scaner, desinfektan karegador, sabaun, balde ,aisar,toalha kiik hamos liman, byklin hodi kaor ho be’e atu desinfekta ba area dores eskola nian.

Nia áfirma materiál prevensaun ne’e fahe tamba atu estudante sira utuliza hodi halo prevensaun ba surtu covid-19 tamba moras ne’e seidauk iha aimoruk at kura.

Plan Internasional iha aktividade normal ne’e iha munisipiu rua hanesan Aileu no Ainaro maibe kuandu covid mosu iha mundo inklui nasaun timor-leste entaun governo husu ami nia apoiu entaun halo prevensaun ba covid-19 entaun ita prontu atu responde ba munisipiu neen hanesan baucau,lautem,viqueque,Manu-Fahi no munisipiu sira seluk, ita fahe material prevensaun covid-19 atu evita ita nia oan sira ba eskola liu-liu eskola husi primeiru to’o terseiru siklu Item sanolu resin neen kompletu so eskola sentral so Item ida maskara mak la iha maibe Item snaolu resin lima kompletu inklui termo escaner” Kordenador Jose Antonio da silva ba radio Komunidade lian Matebean Baucau (24/08) eskola ensino baziku 01 Tirilolo Baucau.

Iha sorin seluk Prezidente autóridade munisípiu Baucau Antonio Augusto Guterres hateten Apresia tebes ba Plan Internasionál ne’ebé apoio ona materiál prevensaun covid-19 ba eskola sira atu professors no estudante sira uza hodi halo prevensaun ba covid-19 iha ida-idak nia eskola.

ita nia parseiru Plan iternasionál mai apoiu ekipamentus prevensaun covid-19 nia ba eskola hamutuk 96 ne’ebe kompostu husi postu administrativu neen ninia kobertura la’o tiha ona ba postu Baguia,Laga,Quelekai,Venilale,Vemase no ohin finaliza eskola 11 postu Baucau Vila nian,ekipamentus prevensaun kondisoen minimu ona tamba ita akompanha termo escaner iha bele detekta temperatura estudantes sira inklui profesores no apoiu hirak ne’e importante tebes no ita kongratula agradese wain ba plan intersnasional tamba duke ita hein laiha maibe governo kontaktu ita plan internasional bele fahe material prevensaun covid-19 ba eskola 96 iha Munisípiu Baucau” Dehan Antonio PAM Baucau
Entertantu diretur Eskola ensino báziku 01.

Tirilolo baucau Vicente Marcal da Silva agradese ba ekipa plan internasionál ne’ebé bele apoio ona materiál prevensaun covid-19 tamba durante ne’e preukupa tebes ho materiál hirak ne’e

“ Material termo escaner durante ami nia prekupasaun no ami enkontru dala tolu ho direktor servisu edukasaun munisipal baucau ami sempre aprejenta ida ne’e maibe ohin loron diretor Plan internasional no prezidente Auotireade munisipal kopersaun diak bele lori ekipamentus durante ami nia prekupasaun urejente durante ne’e” Dehan Vicente.
Distribuisaun material prevensaun nee sei finalize iha eskola esino baziku sira iha Postu Administrative Baucau Vila munisípiu Baucau.(ab)

Jornlista :Abrão Freitas

Editor : Agus Guterres

Comment