by

Natár Hektares 500 Husik Abandona Durante Tinan Sanulu.

Natár hektares atus lima (500) husik abandona durante tinan sanulu (10) tamba Irigasaun Soba Bere intupidu hodi fó impaktu ba natár nain sira iha area Suku Caibada Postu Administrativu Baucau Villa Munisipiu Baucau.
Kestaun ne’e hato,o hosi Xefe Suku Caibada Jose Filomino Agapito Soares Iong Segunda Feira ba Jornalista Radio Comunidade Lian Matebian Baucau hateten, durante tinan sanulu natar abandona tamba Irrigasaun Soba Bere ne’ebé lao ladun diak hodi fó difikulta ba natár nain sira.
Nia afirma foin dadaun ne’e husi parte ministériu agrikultura husi nasionál hamutuk ho munisípiu hahu servisu ona hodi hamos foer sira ne’ebé iha irrigasaun refere / hodi normaliza fila fali be’e ba natár nain sira.
natar ne’e ita bele dehan katak desde tinan sanulu ona ita abadona, tamba devidu ba irrigasaun ne’ebe mak lao ladun ladiak,entaun foin dadaun ne’e mak sira hahu ita nia ministru agrikultura tun mai iha munisipiu hahu ona hatun eskvator iha fatin ona komesa servisu tiha ona komesa servisu tiha ona semana ida ka rua ona hodi ke’e sai foer sira ne’ebe metin hela iha kanalizasaun bee fatin”Dehan Xefe Suku Caibada Jose Filomino Agapito Soares Iong(24/08) iha suku Caibada.
Jose Filomino akresenta natár ne’ebé durante tinan sanulu abandona ne’e, komunidade sira nian kompostu husi aldeia tolu mak hanesan Aldeia Maulame, Aldeia Datawa, Kaibulale inklui mós natár komunidade viziñu hanesan Buruma ho totál natár hektares atus lima, Ekuantu benefisíariu natár nain hamutuk tolu nulu resin ne’en iha suku caibada ne’ebé rejistu husi autóridade lokál sira. aleinde ne’e parte autóridade lokál nafatin servisu hamutuk ho komunidade hodi kontinua sira nia aktvidade Agrikultór nian.
“natar ne’e ita bele dehan katak komunidade husi aldeia tolu mak hanesan aldeia maulame /aldeia datawa no kaibulale no mos ita nia maluk vizinu buruma nian total limaratus hekatares (500) ne’ebe mak ita abandona desde tinan sanulu ona” Dehan Jose.
Nu’udar representante komunidade aldeia Maulame Xefe Aldeia Natividade da Costa husu ba oitavu governu liu-liu Ministériu Agrikultura no Peskas hodi hare’e ba Aldeia refere nia preokupasaun ne’ebé infrenta hela iha area agrikultura nian.(fvb)

Jornalista : Feliciano Venancio Belo

Editor : Agus Guterres

Comment