by

PAM Apela Komunidade Kompri Nafatin Regras Ministériu Saúde

Prezidente Autóridade Munisípiu Baucau Antonio Augusto Guterres hateten relasiona ho sidadaun Timor oan ida ne’ebé foin mai husi rai liur hetan pozitivo covid-19, parte munisípiu hosi sentru informasun intégradu munisípiu ne’ebé inísiu estabelese kontinua lao nafatin atu kontrolla sidadau ne’ebé mai husi nasaun afeitadu covid-19 sira hodi lao ba sira nia hela fatin no kontinua fahe informasaun no senseblizasaun ba komunidadade sira tamba ne’e,Presidenti Autóridade Minisípiu Baucau kontinua apela ba komunidade tomak atu nafatin kumpri regras husi organizasaun saúde mundiál no ministériu saúde  tanba dadaun ne’e, sidadaun Timor oan refere izola hela iha fatin izolamentu.

“Hau nia hare konaba sidadaun ida ne’ebe hetan pozitivu covid-19 liga mai ita nia antisipasaun no vizilansia iha saude ninian ita kontinua lao tanba ita nia sentru informasaun integradu kovid-19 lao nafatin”dehan PAM Antonio A. Guterres ba Radio Lian Matebean Baucau Sesta feira (21/8) hafoin remata enkopntru ho GTT iha nia knar fatin.

Nia esplika depois de remata implementa estadu emergensia to’o agora tuir observasaun sidadaun barak mak la kumpri ona regras husi organizasaun saúde mundiál tanba ne’e husu ba komunidade sira atu kontinua nafatin kumpri regras hanesan fase liman bebeik ,uza maskara no distansiamentu fiziku.

“Moras ne’e moras ida ne’ebe ke perigozu teb-tebes, hau nia apelu ba sidadaun Baukau oan sira mak ne’e mear karik tenke uza liman sikun, uza mascara no halo evita liu-liu distansiamentu social”dehan PAM Antonio.

Atuál Prezidente Autóridade ne’e kontinua husu ba komunidade sira wainhira hare ruma ne’ebé mak mai husi estranjeiro tama ilegál liu husi area tasi nian informa lalais ba autóridade siguransa no autóridade sira seluk atu nune’e bele halo prevensaun ho lalais.(FVB)

Jornalista : Feliciano Venancio Belo

Editor : Agus Guterres

Comment