Autóridade Munisípiu Hamutuk UN Woman diside Sei Muda Vendedores Iha Tinan ne’e.

Autóridade munisípiu Baucau  hamutuk ho  UN Woman  deside  ona sei muda vendedores atus hitu lima nulu resin lima ba merkadu foun Tuanau iha tempu besik wainhira tékniku planeamentu merkadu finalize ona planu servisu.

Kestaun ne’e hato’o  Perzidente Autóridade Munisípiu Baucau Antonio Augusto Guterres promote hafoin hala’o sorumutu regular  UN Women no TOMAK  hateten antes atu muda vendedores ba merkadu foun tuanau sei identifika fali vendedores ne’ebé seidauk detekta nia kartaun identidade registu vendedores  no sei determina finalizasaun distribuisaun kartaun ba vendedores hamutuk atus hitu lima nolu resin lima remata hosi téknika. hafoin autóridade munisípiu sei muda vendedores iha merkadu foun refere.

Nia afirma ba vendedores ne’ebé detekta iha família laran mak registu hotu sei  konsidera la bele maibé oportunidade ba ema nain rua mak atu halao aktividade negosiu.

“Tinan ida ne’e muda mais ninia kestoens mak teknikamente diretores balun servisu ne’e la iha ninia hahu no remata, maibe hahu bei-beik deit, I hau seidauk rona vendedores 755 ne’e nain hira mak rejista ona, se’e 50-50 ona rejistu nain 755 hela deit 55 ona ita determina katak fulan Setembru bele muda ona” dehan PAM Antonio A. Guterres ba Radio Lian Mateban Baucau Sesta feira (21/8)  iha nia knar fatin.

Nia hatutan hafoin ekipa tékniku finalize ona planu, sei  servisu muda vendedores husi merkadu tolu iha Baucau maibé persiza involve kamara komersiu industria munisípiu atu  asegura prezensa vendedores sira nian iha merkadu foun.

“Nia hotu tiha rejista vendedores 755, nia ba fali reuniaun ho CCITL Baucau para fahe tarefas, depois sira nain rua tur hamutuk estabelese regulamentu tanba saida mak hau envolve CCITL tanba iha momentu ida ne’e mak rua ne’e lao”dehan PAM Antonio.

Iha tempu hanesan prezidente CCITL Interinu Estanislau Maria Quitas  da Costa hateten dadaun ne’e Camara comersiu  Industrial Munisipiu baucau registu ona asosiasaun lima mak hanesan Asosiasaun Merkadoria, Asosiasaun Hotelaria, Asosiasaun Barberia, Asosiasaun Loja No Asosiasaun idustria ki’ik,

Alende ne’e prezidente interinu CCITL sujere la lika kria asosiasaun asosiasain barak ba merkadu nian maibe diak liu kria deit asosiasaun merkaduria ida ho nia departemetu ketak-ketak.

“Ita iha Baucau agora dadauk iha asosiasaun lima mak rejista ona iha CCITL Baukau, I ami hakarak ne’e hari’I asosiasaun ida deit ho naran asosiasaun merkadu municipiu Baukau maka ninia departamentu sira mak it abele hatun mai it abele fahe departamentu hirak ne’e ba area ida-idak nian”dehan Estanislao

Grupo Tekniku Trabaillu merkaduria termina ona data tentativa ba enkontru tuir mai atu difini loron mundial feto rural no komemora loron municipal ba dahat.(gus)

Jornalista         : RCLM

Editor              :Agus Guterres