by

WVTL Realiza Treinamentu Ba Komuidade Suku Uailili

Agensia Internasional World Vision iha Timor Leste realiza treinamentu ba komunidade grupu parentes suku Uailili, oinsa uza disiplina positivu ba inan aman sira atu eduka oan sira la ho violensia,treinamentu ne’e halao iha salaun uma dame baucau tersa fera semana ne’e.

Liu hosi treinamentu ne’e, atu hasae konsensia inan aman sira nian, atu la bele uza lian fuan at no violensia hasoru oan sira.

Ba Jornalista Radio Komunidade Lian Matbean Baucau Xefe Fasilitador Ba Programa Future Livre Hosi Violensia Jose Da Costa hateten tamba dala barak inan aman sempre bolu oan sira hanesan animal tamba ne’e liu hosi programa ne’e atu bolu atensaun inan aman sira hodi halo edukasaun ba oan sira la ho violensia no lia fuan at.

Nia hatutan materia ne’ebe uza hodi hanorin inan aman no foin sae sira iha treinamentu ne’e modul premeru mak sai inan aman ne’ebe diak ba oan sira atu disiplina pozitivu iha future,no mdulu segundu mak inan ho aman hamutuk sai ida deit hodi hakiak oan sira.

Nia afirma maske treinamentu ne’e involve liu foinsae, hodi nune’e ba future foinsae sira wainhira forma familia, iha ona esprensia oinsa atu eduka oan sira la violensia no lia fuan at.

Iha tempu hanesan komunidade Julmira Soares Sarmentu hateten sente kontente tamba bele ona aprende liu hosi grupo parentes oinsa atu eduka oan sira iha nia uma kain.

Nia akresenta treinamnetu ne’e hanesan hasae esperensia inan aman sira oinsa atu halao nia kna’ar no saida mak labarik ira atu aprende.

Partisipa treinamnetu ne’e mai hosi grupo ualu hosi suku uailili kompostu hosi aldeia ne’e hosi Postu Administrative Baucau Vila.

Comment